ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
K editor 
തിരുവനന്തപുരം: കേരളത്തിൽ മൂന്നാം പിണറായി വിജയൻ സർക്കാർ അധികാരത്തിലെത്തുമെന്ന് ശ്രീനാരായണ ധർമ്മസംഘം ട്രസ്റ്റ് പ്രസിഡന്‍റ് സ്വാമി സച്ചിദാനന്ദ. ചെമ്പഴന്തിയിൽ തിരുജയന്തി മഹാസമ്മേളനത്തിൽ സംസാരിക്കുകയായിരുന്നു അദ്ദേഹം. കേരളത്തിലെ ഇപ്പോഴത്തെ സർക്കാർ വളരെയധികം അഭിനന്ദനങ്ങൾ അർഹിക്കുന്നുവെന്നും അദ്ദേഹം പറഞ്ഞു.
ഒന്നാം പിണറായി സർക്കാർ പല മഹത്തായ കാര്യങ്ങളും ചെയ്യാൻ മുന്നോട്ടുവന്നപ്പോൾ ഇവിടത്തെ ജനങ്ങൾ പക്ഷപാതമില്ലാതെ അതിനെ പിന്തുണയ്ക്കുകയും രണ്ടാം പിണറായി സർക്കാർ കേരളത്തിൽ അധികാരത്തിൽ വരികയും ചെയ്തു. ഇന്നത്തെ സാഹചര്യം കണക്കിലെടുത്ത് മൂന്നാം പിണറായി സർക്കാരും വരുമെന്നതിൽ സംശയമില്ലെന്നും അദ്ദേഹം അഭിപ്രായപ്പെട്ടു.
ചെമ്പഴന്തി ഗുരുകുലത്തിൽ ശ്രീനാരായണഗുരു ജയന്തി മഹാസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്തതിന് പിന്നാലെയാണ് സച്ചിതാനന്ദ സ്വാമിയുടെ പ്രവചനം. അതേസമയം, ശ്രീനാരായണ ഗുരുവിന്‍റെ മഹത്വം ജീവിച്ച നൂറ്റാണ്ട്‌ കടന്ന്‌ അടുത്ത നൂറ്റാണ്ടിലേക്കു കടന്നുവെന്നും ഗുരുവിനു സമാനമായി ഗുരുമാത്രമാണെന്നും പരിപാടി ഉദ്ഘാടനം ചെയ്തുകൊണ്ട് മുഖ്യമന്ത്രി പിണറായി വിജയന്‍ പറഞ്ഞു.
