വീടണയുന്ന പ്രവാസികളുടെ ആവേശം; ഫെഡറല്‍ ബാങ്കിന്റെ പരസ്യം ശ്രദ്ധ നേടുന്നു

കൊച്ചി: ഉത്സവ സീസണിൽ നാട്ടിലെത്താൻ ആഗ്രഹിക്കുന്ന പ്രവാസികളുടെ ആവേശവും നീണ്ട ഇടവേളയ്ക്കു ശേഷമുള്ള തിരിച്ചുവരവും അവരെ കാത്തിരിക്കുന്ന വീട്ടുകാരുടേയും ബന്ധുക്കളുടേയും കരുതലും സ്‌നേഹവും സന്തോഷവും ഒപ്പിയെടുത്ത ഫെഡറല്‍ ബാങ്കിന്റെ പുതിയ പരസ്യ ചിത്രം ശ്രദ്ധനേടുന്നു. കഴിഞ്ഞ രണ്ടോ മൂന്നോ വർഷത്തിനിടെ, പകർച്ചവ്യാധി കാരണം നിരവധി പ്രവാസികൾ നാട്ടിലേക്ക് മടങ്ങുന്നത് നിർത്തിവച്ചിരിക്കുകയാണ്. ഇത്തവണ ഓണാഘോഷ വേളയിൽ അവരുടെ തിരിച്ചുവരവ് ആഘോഷമാക്കുകയാണ് പ്രിയപ്പെട്ടവർ. കേരളത്തിലുടനീളമുള്ള എല്ലാ തിയേറ്ററുകളിലും പരസ്യചിത്രം പ്രദർശിപ്പിക്കുന്നുണ്ട്. ഇതോടൊപ്പം സംസ്ഥാനത്തുടനീളമുള്ള ഫെഡറൽ ബാങ്ക് കാർഡ് ഉപഭോക്താക്കൾക്കായി നിരവധി ഓഫറുകളും ബാങ്ക് പ്രദർശിപ്പിക്കുന്നുണ്ട്.
ഈ പരസ്യ ചിത്രത്തിന് പ്രവാസികളിൽ നിന്ന് മികച്ച പ്രതികരണമാണ് ലഭിക്കുന്നത്. എല്ലാ പ്രവാസികൾക്കും അവരുടെ അനുഭവങ്ങളെ ഈ മനോഹരമായ ചിത്രവുമായി ബന്ധിപ്പിക്കാൻ കഴിയുമെന്ന് ഒരു പ്രവാസി കമന്‍റ് ചെയ്തു. ഉത്സവ സീസൺ മൂലമുള്ള വളർച്ച സാമ്പത്തിക വർഷത്തിന്‍റെ രണ്ടാം പാദത്തിലും മൂന്നാം പാദത്തിന്‍റെ ആദ്യ പകുതിയിലും പ്രതിഫലിക്കുമെന്ന് ബാങ്ക് പ്രതീക്ഷിക്കുന്നു.