ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
മലയാളത്തിലും അന്യഭാഷകളിലും ഒരുപോലെ തിളങ്ങി നില്‍ക്കുന്ന നടിയാണ് ഷംന കാസിം. റിയാലിറ്റി ഷോയിലൂടെ സിനിമയിലെത്തിയ ഷംന വെള്ളിത്തിരയിലെത്തിയിട്ട് 16 വര്‍ഷം പൂര്‍ത്തിയാക്കിയിരിക്കുകയാണ്. സിനിമയില്‍ പതിനാറ് വര്‍ഷം പൂര്‍ത്തിയാക്കിയ വേളയിൽ പ്രേക്ഷകര്‍ക്കു നന്ദി പറഞ്ഞ് എത്തിയിരിക്കുകയാണ് താരം.
പതിനാറ് വർഷത്തെ ഒരു മനോഹരമായ യാത്രയായിരുന്നു. ഒരുപാട് അഭിനന്ദനങ്ങൾ. ഒരുപാട് നിരുപാധികമായ സ്‌നേഹം. കുറച്ച് മഹത്തരമായ ഓർമ്മ. ഒരുപാട് പഠിച്ചു. വിജയം, പണം, വെറുപ്പ് അങ്ങനെ ഒരുപാട് ജീവിതത്തെ കുറിച്ചുള്ള കാര്യങ്ങൾ. പക്ഷേ ജനങ്ങൾ എനിക്ക് മേൽ തന്നെ നിരുപാധികമായ സ്‌നേഹമാണ് എന്നെ ഇവിടെ നിലനിർത്തുന്നത്.
യാത്രയിൽ എന്റെ ജീവിതത്തിൽ ഒപ്പമുണ്ടായ എല്ലാവർക്കും നന്ദി. കൂടുതൽ ആത്മാർത്ഥതയോടെ ജോലി ചെയ്യും എന്ന് ഉറപ്പ് തരുന്നു. അമ്മയുടെ കരുതലും പിന്തുണയും ഇല്ലാതിരുന്നെങ്കിൽ എനിക്ക് ഇവിടെ എത്താനാകുമായിരുന്നില്ല. എനിക്ക് എപ്പോഴും തരുന്ന പിന്തുണയ്ക്കും ആ ശക്തിക്കും എന്നും നന്ദി’. കണ്ണൂര്‍ സ്വദേശിനിയായ ഷംന 2004 ല്‍ എന്നിട്ടും എന്ന ചിത്രത്തിലൂടെയാണ് സിനിമയിലെത്തുന്നത്.
നായികയായിട്ടാണ് തുടക്കമെങ്കിലും ആദ്യ കാലത്ത് തിളങ്ങാന്‍ ഷംനക്ക് സാധിച്ചില്ല. ശ്രീ മഹാലക്ഷ്മി എന്ന തെലുങ്കു ചിത്രത്തിലാണ് പ്രധാനമായി ശ്രദ്ധിക്കപ്പെട്ട ഒരു വേഷം ചെയ്തത്. മുനിയാണ്ടി വിളങ്ങിയാൽ മൂൺട്രാമാണ്ട് എന്ന തമിഴ് ചിത്രത്തിൽ നായികയായി അഭിനയിച്ചു. തമിഴില്‍ പുറത്തിറങ്ങാന്‍ പോകുന്ന തലൈവിയാണ് പുതിയ സിനിമ. ജയലളിതയുടെ ജീവിതകഥ പറയുന്ന ചിത്രത്തില്‍ തോഴി ശശികലയായിട്ടാണ് ഷംനയെത്തുന്നത്.
