മംഗളൂരുവിൽ വീടുവിട്ട 19 കാരി കാഞ്ഞങ്ങാട്ട്

കാഞ്ഞങ്ങാട്: മംഗളൂരുവിൽ നിന്നും വീടുവിട്ട 19 കാരിയെ കാഞ്ഞങ്ങാട് റെയിൽവെ സ്റ്റേഷനിൽ  പോലീസ് കസ്റ്റഡിയിലെടുത്തു. കണ്ണൂർ ഭാഗത്തേക്ക് ട്രെയിനിൽ തനിച്ച് യാത്ര ചെയ്ത പെൺകുട്ടിയുടെ യാത്രയിൽ സംശയം തോന്നിയ മറ്റൊരു യാത്രക്കാരൻ വിവരം നൽകിയതിനെത്തുടർന്ന് പെൺകുട്ടിയെ കാഞ്ഞങ്ങാട് റെയിൽവെ സ്റ്റേഷനിലിറക്കിയ ശേഷം പിങ്ക് പോലീസ് കസ്റ്റഡിയിലെടുക്കുകയായിരുന്നു. ഹൊസ്ദുർഗ് പോലീസ് വിവരമറിയിച്ചതിനെത്തുടർന്ന് മംഗളൂരുവിൽ നിന്നും ബന്ധുക്കളെത്തി പെൺകുട്ടിയെ കൊണ്ടു പോയി.