റെയിൽവേ പാർക്കിംഗിൽ മറ്റൊരു ബൈക്കും ലോക്ഡൗണിൽ കവർന്നു

കാഞ്ഞങ്ങാട്: ലോക്ഡൗൺ കാലത്ത് കാഞ്ഞങ്ങാട് റെയിൽവേ സ്റ്റേഷൻ പാർക്കിംഗിൽ സൂക്ഷിച്ചിരുന്ന കെ.എൽ.56.ഏ.4796 നമ്പർ ഹീറോ ഹോണ്ട മോട്ടോർ ബൈക്ക് കള്ളൻ കൊണ്ടുപോയി.

2020 മാർച്ച് 17-ന് റെയിൽവേ പാർക്കിംഗിൽ ബൈക്ക് പാർക്ക് ചെയ്ത ശേഷം ട്രെയിനിൽ സ്വന്തം നാടായ പേരാമ്പ്രയിലേക്ക് പോയ ഏ.ബി. ബിജുവിന്റെ 39, ബൈക്ക് ലോക്ഡൗൺകഴിഞ്ഞ ശേഷം ജൂൺ 12-ന് തിരിച്ചെത്തിയപ്പോഴേക്കും കവർച്ച ചെയ്തിരുന്നു.

ബിജുവിന്റെ പരാതിയിൽ ഹൊസ്ദുർഗ്ഗ് പോലീസ് കേസ്സ് റജിസ്റ്റർ ചെയ്തു. ലോക്ഡൗൺ കാലത്ത് ഇതേ രീതിയിൽ റെയിൽവേ പാർക്കിംഗിൽ സൂക്ഷിച്ചുപോയ മറ്റൊരാളുടെ ബുള്ളറ്റ് മോട്ടോർ സൈക്കിളും ഇതേ പാർക്കിംഗ് ഏരിയയിൽ കവർച്ച ചെയ്യപ്പെട്ടിരുന്നു.

കാഞ്ഞങ്ങാട് റെയിൽവേ സ്റ്റേഷൻ പാർക്കിംഗിൽ ഇരുചക്ര വാഹന കവർച്ചകൾ നടത്തുന്ന ഒരു സംഘം തമ്പടിച്ചിട്ടുണ്ടെന്ന് കരുതുന്നു.