പ്രണവിന്റെ അടുത്ത ചിത്രം ‘ഹെലന്‍’ സംവിധായകനൊപ്പം

ഹൃദയത്തിൻറെ ഗംഭീര വിജയത്തിന് ശേഷം പ്രണവ് മോഹൻലാലിന്റെ പുതിയ ചിത്രം ഉടൻ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഹെലൻ ഫെയിം മാത്തുക്കുട്ടി സേവ്യർ സംവിധാനം ചെയ്യുന്ന ചിത്രത്തിലാണ് പ്രണവ് അഭിനയിക്കുന്നത്. ചിത്രത്തിലെ മറ്റ് അഭിനേതാക്കളെയും അണിയറ പ്രവർത്തകരെയും കുറിച്ചുള്ള വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. ആദ്യ ചിത്രമായ ‘ആദി’യ്ക്ക് ശേഷം മൂന്ന് സിനിമകളിൽ മാത്രമാണ് പ്രണവ് അഭിനയിച്ചത്. തന്റെ കരിയറിലെ ഓരോ സിനിമയ്ക്കും ശേഷം വർഷങ്ങളുടെ ഇടവേള എന്ന പ്രവണത അവസാനിപ്പിക്കാൻ ഒരുങ്ങുകയാണ് പ്രണവ്. ഹൃദയത്തിന്റെ വിജയം സിനിമയിൽ കൂടുതൽ സജീവമാകാനുള്ള ആത്മവിശ്വാസം താരത്തിന് നൽകിയിട്ടുണ്ട്.