കുവൈത്തിൽ മയക്കു മരുന്നിനെതിരെ ദേശ വ്യാപകമായി പ്രചാരണ പരിപാടികൾ

കുവൈത്ത് സിറ്റി: കുവൈറ്റിൽ മയക്കുമരുന്നിനെതിരെ രാജ്യവ്യാപകമായി കാമ്പയിൻ സംഘടിപ്പിക്കാൻ തീരുമാനം. മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമെടുത്തത്. കൂടാതെ, മയക്കുമരുന്ന് നിയന്ത്രണത്തിനും മയക്കുമരുന്നിന് അടിമകളായവരെ ചികിത്സിക്കുന്നതിനും ദേശീയ കാമ്പയിൻ ആരംഭിക്കുന്നതിനും, ഡ്യൂപ്പിക്സന്‍റ്, അന്താരാഷ്ട്ര കേഡർമാർ, ദേശീയ കേഡർമാർ എന്നിവരുടെ സഹായത്തോടെ വളരെ രഹസ്യമായി ചികിത്സയ്ക്കും പുനരധിവാസത്തിനുമായി പ്രത്യേക കേന്ദ്രങ്ങൾ സ്ഥാപിക്കാനും നീക്കമുണ്ട്.

അത്തരമൊരു കാമ്പയിൻ സംഘടിപ്പിക്കാൻ യോഗം ആഭ്യന്തര മന്ത്രാലയത്തെ ചുമതലപ്പെടുത്തിയിട്ടുണ്ട്. മയക്കുമരുന്നിന് അടിമകളായവരുടെ ചികിത്സയ്ക്കായി സ്വകാര്യ ക്ലിനിക്കുകൾ സ്ഥാപിക്കുന്നതിന് അനുയോജ്യമായ സാഹചര്യങ്ങൾ സൃഷ്ടിക്കാനും നൂതന ചികിത്സാ രീതികൾ സ്വീകരിക്കുന്നതിനുള്ള സൗകര്യങ്ങൾ ഒരുക്കാനും മന്ത്രിസഭായോഗം തീരുമാനിച്ചു. ഇതിനാവശ്യമായ കാര്യങ്ങൾ ചെയ്യാൻ മന്ത്രിസഭാ യോഗം ആരോഗ്യമന്ത്രിയെ ചുമതലപ്പെടുത്തി.