മാക്കുട്ടം ചുരം പാതയിൽ ബസ്സ് മരത്തിലിടിച്ച് ഡ്രൈവർ മരിച്ചു

കണ്ണൂർ:  മാക്കുട്ടം ചുരം പാതയിൽ ബസ്സ് നിയന്ത്രണം വിട്ടു മരത്തിലിടിച്ച് ഡ്രൈവർ മരിച്ചു. ഇരുപതോളം യാത്രക്കാരുമായി ബാംഗ്ലൂരിൽ നിന്ന് വന്ന വോൾവോ ബസ്സാണ് അപകടത്തിൽപ്പെട്ടത്. പരിക്കേറ്റ ഡ്രൈവറെയും യാത്രക്കാരെയും വിരാജ്പേട്ട താലൂക്ക് ആശുപത്രിയിലേക്ക് മാറ്റിയെങ്കിലും  ഡ്രൈവർ മരിച്ചു. കർണ്ണാടക സ്വദേശി സ്വാമിയാണ് മരിച്ചത്. കേരള കർണ്ണാടക ഫയർഫോഴ്സ് സംയുക്തമായാണ് രക്ഷാപ്രവർത്തനം നടത്തിയത്.