നറുക്കെടുപ്പിൽ നഷ്ടപ്പെട്ട വാർഡ് തിരിച്ചു പിടിച്ച് യുഡിഎഫ്

കാഞ്ഞങ്ങാട്: കഴിഞ്ഞ തവണത്തെ തദ്ദേശ തിരഞ്ഞെടുപ്പിൽ ഇടതു- വലതു മുന്നണികൾക്ക് തുല്ല്യവോട്ട് ലഭിച്ചതിനെ തുടർന്ന് നറുക്കെടുപ്പിൽ പരാജയപ്പെട്ട കുശാൽ നഗർ 39-ാം വാർഡ് തിരിച്ച് പിടിച്ച് യുഡിഎഫ്. എസ്ടിയു നേതാവ് കരീം കുശാൽ നഗറായിരുന്നു 39-ാം വാർഡിൽ കഴിഞ്ഞ തവണത്തെ യുഡിഎഫ് സ്ഥാനാർത്ഥി. വിജയം ചുണ്ടിനും കപ്പിനുമിടയിലെത്തിയെങ്കിലും, നറുക്കെടുപ്പിൽ കരീം പരാജയപ്പെട്ടു. ഈ വാർഡാണ് ഇക്കുറി തിരിച്ചു പിടിച്ച് മധുര പ്രതികാരം ചെയ്തത്. മുസ്്ലീംലീഗിലെ യുഡിഎഫ് സ്ഥാനാർത്ഥി കെ. ഐഷയാണ് ഇവിടെ വിജയിച്ചത്. ഐഷയ്ക്ക് 464 വോട്ടും എൽഡിഎഫ് സ്ഥാനാർതഥി ചാന്ദ്നിക്ക് 414 വോട്ടും ലഭിച്ചു. ബിജെപിക്ക് 144 വോട്ട് ലഭിച്ചു.