വെങ്കയ്യ നായിഡുവിന് ആശംസയുമായി ജയറാം രമേശ്

ന്യൂഡല്‍ഹി: ഉപരാഷ്ട്രപതി സ്ഥാനത്ത് നിന്ന് വിരമിച്ച വെങ്കയ്യ നായിഡുവിനെ കോൺഗ്രസ് ജനറൽ സെക്രട്ടറി ജയറാം രമേശ് ആശംസകൾ നേർന്നു. “നായിഡു വിരമിച്ചേക്കാം, പക്ഷേ അദ്ദേഹം തളർന്നിരിക്കില്ല,” അദ്ദേഹം ട്വീറ്റ് ചെയ്തു. പശ്ചിമ ബംഗാൾ ഗവർണർ ജഗ്ദീപ് ധൻഖറിനെ എൻഡിഎയുടെ ഉപരാഷ്ട്രപതി സ്ഥാനാർത്ഥിയായി പ്രഖ്യാപിച്ചതിന് പിന്നാലെയാണ് ജയറാം രമേശിന്‍റെ പ്രതികരണം.

“വെങ്കയ്യ നായിഡു ജിയുടെ തമാശകളും ശൈലികളും എനിക്ക് നഷ്ടമാകും. പ്രതിപക്ഷത്തെ പല സന്ദർഭങ്ങളിലും വിമർശിച്ചിട്ടുണ്ടെങ്കിലും ആത്യന്തികമായി അദ്ദേഹം ഒരു നല്ല വ്യക്തിയാണ്. നായിഡു വിരമിച്ചേക്കാം, പക്ഷേ അദ്ദേഹം തളർന്നിരിക്കില്ല,” ജയറാം രമേശ് ട്വീറ്റ് ചെയ്തു.

ഓഗസ്റ്റ് ആറിന് നടക്കുന്ന ഉപരാഷ്ട്രപതി തിരഞ്ഞെടുപ്പിൽ എൻ.ഡി.എ സ്ഥാനാർത്ഥിയായി ധൻഖർ മത്സരിക്കും. പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ ശനിയാഴ്ച രാജ്യതലസ്ഥാനത്തെ പാർട്ടി ആസ്ഥാനത്ത് ചേർന്ന പാർലമെന്‍ററി ബോർഡ് യോഗത്തിന് ശേഷമാണ് പാർട്ടി അധ്യക്ഷൻ ജെപി നദ്ദ ഇക്കാര്യം അറിയിച്ചത്.