ഫോബ്​സ്​ പട്ടിക: മുകേഷ് ​അംബാനിയെ പിന്തള്ളി ഗൗതം അദാനി​ ഒന്നാമത്

ഡൽഹി: ഫോബ്സ് മാസികയുടെ ഇന്ത്യയിലെ ശതകോടീശ്വരൻമാരുടെ പട്ടികയിൽ ഗൗതം അദാനി മുകേഷ് അംബാനിയെ മറികടന്നു. 2021 ൽ 7480 കോടി ഡോളറായിരുന്ന അദാനിയുടെ ആസ്തി ഒരു വർഷം കൊണ്ട് ഇരട്ടിയിലധികം (15000 കോടി ഡോളർ) വർദ്ധിച്ചു.

മുകേഷ്​ അംബാനി (8,800 കോടി ഡോളർ), രാധാകിഷൻ ദമാനി (2,760 കോടി ​ഡോളർ), സൈറസ്​ പൂനവല്ല (2,150 കോടി ഡോളർ), ഷിവ്​ നാടാർ (2,140 കോടി ഡോളർ) എന്നിവരാണ് ഇന്ത്യയിൽ നിന്നും ആദ്യ അഞ്ച് സ്ഥാനങ്ങളിൽ.

മലയാളികളിൽ എംഎ യൂസഫ് അലിയാണ് ഒന്നാമത്. 540 കോടി ഡോളർ ആസ്തിയുള്ള യൂസഫലിക്കൊപ്പം അഞ്ച് മലയാളികളും പട്ടികയിൽ ഇടം നേടി. ഇന്ത്യയിൽ 35-ാം സ്ഥാനത്താണ് യൂസഫലി.