ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
K editor 
യുഎസ് : ലോക അത്ലറ്റിക്‌സില്‍ നിന്ന് അലിസൺ ഫെലിക്സ് മടങ്ങി. 36 കാരിയായ അലിസൺ ഫെലിക്സിന്‍റെ പത്താമത്തെ ലോക ചാമ്പ്യൻഷിപ്പാണിത്. 2003-ലെ പാരീസ് മീറ്റിലൂടെയാണ് ഇവരുടെ ആരംഭം. ശനിയാഴ്ച നടന്ന ചാമ്പ്യൻഷിപ്പിൽ തന്‍റെ 19-ാം മെഡൽ താരം നേടി. 13 സ്വർണവും മൂന്ന് വെള്ളിയും മൂന്ന് വെങ്കലവും ഇവർക്ക് സ്വന്തമാണ്. “അവസാന മത്സരം എന്‍റെ നാട്ടുകാരുടെ മുന്നിൽ കളിച്ചതിൽ ഞാൻ വളരെ സന്തോഷവതിയാണ്. എന്‍റെ മകൾ ഗാലറിയിൽ ഇരുന്ന് എല്ലാം കാണുന്നു. ഈ രാത്രി എനിക്ക് മറക്കാൻ കഴിയില്ല,” മത്സരശേഷം ഫെലിക്സ് പറഞ്ഞു.
2005 ലാണ് മെഡൽ നേട്ടം ആരംഭിച്ചത്. 200 മീറ്ററിൽ സ്വർണ്ണമുണ്ട്. അന്ന് 20 വയസ്സായിരുന്നു പ്രായം. രണ്ട് വർഷം മുമ്പ് ദോഹ ലോക ചാമ്പ്യൻഷിപ്പിൽ 4×400 മീറ്റർ റിലേ, മിക്സഡ് റിലേ ഇനങ്ങളിൽ സ്വർണം നേടിയിരുന്നു. അതേസമയം, ഒളിമ്പിക്സിൽ ഏഴ് സ്വർണം ഉൾപ്പെടെ 11 മെഡലുകൾ നേടിയിട്ടുണ്ട്. രണ്ട് പതിറ്റാണ്ടിലേറെ നീണ്ട കരിയറിൽ ലോക അത്ലറ്റിക്സിലെ ഏറ്റവും വിജയകരമായ അത്ലറ്റായി 36 കാരി ഫെലിക്സ് മാറി.
