ഖ​മ​റു​ദ്ദീ​നെച്ചൊല്ലി പാണക്കാട്ട് പോര്

ഖമറുദ്ദീനോട് ഇന്ന് വരേണ്ടതില്ലെന്ന് ഹൈദരലി

മ​ല​പ്പു​റം: നി​ക്ഷേ​പ​ത്ത​ട്ടി​പ്പി​ൽ പ്ര​തി ചേ​ർ​ക്ക​പ്പെ​ട്ട മ​ഞ്ചേ​ശ്വ​രം എം​എ​ൽ​ഏ എം.​സി. ഖ​മ​റു​ദ്ദീ​നു​മാ​യി പാ​ണ​ക്കാ​ട് ഹൈ​ദ​ര​ലി ഷി​ഹാ​ബ് ത​ങ്ങ​ൾ ഇന്ന് ന​ട​ത്താ​നി​രു​ന്ന കൂ​ടി​ക്കാ​ഴ്ച ഉ​പേ​ക്ഷി​ച്ചു.

ത​ത്ക്കാ​ലം പാ​ണ​ക്കാ​ട് ഹൈ​ദ​ര​ലി ശി​ഹാ​ബ് ത​ങ്ങ​ളെ നേ​രി​ട്ടു കാ​ണേ​ണ്ട​തി​ല്ലെ​ന്നാ​ണ് ഖ​മ​റു​ദ്ദീ​നോ​ട് മു​സ്ലിം​ലീ​ഗ് നേ​തൃ​ത്വം നിർദ്ദേശിച്ച​ത്.

വ്യാ​ഴാ​ഴ്ച രാ​വി​ലെ​യോ വെ​ള്ളി​യാ​ഴ്ചയോ നേ​തൃ​ത്വ​വു​മാ​യി ച​ർ​ച്ച ന​ട​ത്താ​മെ​ന്നും അ​തി​നു​ശേ​ഷം മാ​ത്രം ഹൈ​ദ​ര​ലി ഷി​ഹാ​ബ് ത​ങ്ങ​ളു​മാ​യു​ള്ള കൂ​ടി​ക്കാ​ഴ്ച മ​തി​യെ​ന്നു​മാ​ണ് നി​ല​വി​ലെ തീ​രു​മാ​നം.

ജ്വ​ല്ല​റി നി​ക്ഷേ​പ​ത്ത​ട്ടി​പ്പ് കേ​സി​ൽ മു​ഖ്യ​പ്ര​തി​യാ​യ എം.​സി. ഖ​മ​റു​ദ്ദീ​ൻ നി​ല​വി​ൽ ക്രൈം​ബ്രാ​ഞ്ച് അ​ന്വേ​ഷ​ണം നേ​രി​ടു​ന്നു​ണ്ട്. നി​ര​വ​ധി പ​രാ​തി​ക​ളാ​ണ് ഇ​ദ്ദേ​ഹ​ത്തി​നെ​തി​രെ ഉ​യ​ർ​ന്നുവന്നിട്ടുള്ളത്. പാ​ണ​ക്കാ​ട്ടെ​ത്തി കൃ​ത്യ​മാ​യ വി​ശ​ദീ​ക​ര​ണം ന​ൽ​കാ​നാ​യി​രു​ന്നു ഖ​മ​റു​ദ്ദീനോ​ട് ലീ​ഗ് നേ​തൃ​ത്വം  നേരത്തെ ആ​വ​ശ്യ​പ്പെ​ട്ട​ത്.

ഫാ​ഷ​ൻ ഗോ​ൾ​ഡ് ജ്വ​ല്ല​റി ത​ട്ടി​പ്പി​നെ​തി​രെ കൂ​ടു​ത​ൽ പ​രാ​തി​യു​മാ​യി നി​ക്ഷേ​പ​ക​ർ ഇന്നും രം​ഗ​ത്തെ​ത്തി​യി​ട്ടു​ണ്ട്. ബു​ധ​നാ​ഴ്ച മാ​ത്രം ര​ജി​സ്റ്റ​ർ ചെ​യ്ത​ത് 14 കേ​സു​ക​ളാ​ണ്. ഇ​തോ​ടെ  ച​ന്തേ​ര സ്റ്റേ​ഷ​നി​ൽ​ മാ​ത്രം ഖമറുദ്ദീന്റെയും ടി.കെ. പൂക്കോയ തങ്ങളുടെയും പേരിൽ 26 കേ​സ്സുക​ൾ ര​ജി​സ്റ്റ​ർ ചെ​യ്തു.