രാജ്യത്തെ രാഷ്ട്രീയത്തെ കുറിച്ച് ചീഫ് ജസ്റ്റിസ്

ജയ്പൂര്‍: രാജ്യത്തെ രാഷ്ട്രീയ പ്രതിപക്ഷം ചുരുങ്ങുകയാണെന്ന് ചീഫ് ജസ്റ്റിസ് എൻ വി രമണ. രാഷ്ട്രീയ എതിർപ്പുകൾ ഇപ്പോൾ ശത്രുതയായി മാറിയിരിക്കുന്നു. ആരോഗ്യകരമായ ഒരു ജനാധിപത്യത്തിന് ഇത് ഒരിക്കലും നല്ലതല്ലെന്ന് രമണ പറഞ്ഞു. കേന്ദ്രത്തിലെ സർക്കാരും പ്രതിപക്ഷവും തമ്മിൽ ആരോഗ്യകരമായ പരസ്പര ബഹുമാനമുണ്ടായിരുന്നു. എന്നാൽ ഇപ്പോൾ അത് അപ്രത്യക്ഷമാകുകയാണ്. രാഷ്ട്രീയ പ്രതിപക്ഷം ഒരിക്കലും ശത്രുതയായി മാറരുത്. അതാണ് ഇന്ന് നാം കാണുന്നത്. ഇത് ദോഷകരമായ പ്രത്യാഘാതമുണ്ടാക്കും,” ചീഫ് ജസ്റ്റിസ് പറഞ്ഞു. നിയമസഭാ സമ്മേളനങ്ങളെയും നിയമനിർമ്മാണങ്ങളെയും കുറിച്ചുള്ള ആശങ്ക ചീഫ് ജസ്റ്റിസ് പങ്കുവെച്ചു. നിയമസഭയുടെ പ്രകടനത്തിൽ ഇടിവുണ്ടായി. “പല നിയമങ്ങളും ശരിയായ നിർവചനങ്ങളോ പരിശോധനകളോ ഇല്ലാതെയാണ് പാസാക്കിയത്,” ചീഫ് ജസ്റ്റിസ് കൂട്ടിച്ചേർത്തു. “തിടുക്കത്തിലുള്ളതും വിവേചനരഹിതവുമായ അറസ്റ്റുകൾ, ജാമ്യം ലഭിക്കുന്നതിനുള്ള ബുദ്ധിമുട്ട്, നീണ്ട കേസുകൾ എന്നിവ അടിയന്തിരമായി പരിഗണിക്കേണ്ട ചില പ്രശ്നങ്ങളാണ്,” ചീഫ് ജസ്റ്റിസ് പറഞ്ഞു. ഇന്ത്യയിലെ ക്രിമിനല്‍ നീതി ന്യായ വ്യവസ്ഥയിലെ നടപടിക്രമങ്ങൾ വെല്ലുവിളി നിറഞ്ഞതാണെന്ന് അദ്ദേഹം പറഞ്ഞു. വിവേചനപരമായ രീതിയിലല്ല അറസ്റ്റുകൾ നടക്കുന്നതെന്ന് പരിശോധിക്കേണ്ടതുണ്ട്. ഇത് തിടുക്കപ്പെടുന്നില്ലെന്നും അതിലെ നടപടിക്രമങ്ങൾ കൃത്യമാണെന്നും ഉറപ്പാക്കേണ്ടതുണ്ടെന്നും ചീഫ് ജസ്റ്റിസ് കൂട്ടിച്ചേർത്തു. ക്രിമിനൽ നീതി ന്യായ വ്യവസ്ഥയുടെ കാര്യക്ഷമത വർദ്ധിപ്പിക്കാൻ ഒരു പദ്ധതി ആവശ്യമാണ്. പോലീസിന് ശരിയായ പരിശീലനം നൽകുക, ജയിൽ സംവിധാനം ആയുധികവത്കരിക്കുക എന്നിവ അത്തരമൊരു കാര്യമാണ്. നേരത്തെ ജാമ്യ നിയമം കൊണ്ടുവരാൻ സുപ്രീം കോടതി നിർദേശം നൽകിയിരുന്നു. തടവുകാരെ നേരത്തെ മോചിപ്പിക്കാനായിരുന്നു ഇത്,അദ്ദേഹം പറഞ്ഞു.