ഭാവനയ്‌ക്കൊപ്പം മഞ്ജുവും സംയുക്തവര്‍മ്മയും, പ്രിയ കൂട്ടുകാരികള്‍ ഒത്തുചേര്‍ന്നപ്പോള്‍

മലയാളികളുടെ പ്രിയപ്പെട്ട നായികമാരെയെല്ലാം ഒരു ഫ്രയിമില്‍ കണ്ടതിന്റെ സന്തോഷത്തിലാണ് ആരാധകര്‍. ഭാവനയായിരുന്നു ഈ കൂടിക്കാഴ്ചയുടെ ചിത്രം പങ്കുവെച്ച് എത്തിയത്. സോഷ്യല്‍ മീഡിയയില്‍ സജീവമായ ഭാവന പങ്കുവെക്കുന്ന വിശേഷങ്ങളെല്ലാം പെട്ടെന്ന് തന്നെ ശ്രദ്ധിക്കപ്പെടാറുണ്ട്. കന്നഡ സിനിമയിലെ നിര്‍മ്മാതാവായ നവീനുമായുള്ള വിവാഹത്തെത്തുടര്‍ന്നാണ് ഭാവന മലയാള സിനിമയില്‍ നിന്നും ഇടവേളയെടുത്തത്. എന്നാണ് മലയാളത്തിലേക്ക് തിരിച്ച് വരുന്നതെന്നായിരുന്നു ആരാധകര്‍ ചോദിച്ചത്.

മഞ്ജു വാര്യര്‍ക്കും സംയുക്ത വര്‍മ്മയ്ക്കുമൊപ്പവും നില്‍ക്കുന്ന ഫോട്ടോയുമായാണ് ഭാവന ഇപ്പോള്‍ എത്തിയിട്ടുള്ളത്.

ദൈവം നേരിട്ട് തരാത്ത കൂടപ്പിറപ്പുകളാണ് ബെസ്റ്റ് ഫ്രണ്ട്‌സ് എന്നായിരുന്നു ഭാവന കുറിച്ചത്. കുടുംബത്തെപ്പോലെയാണ് സുഹൃത്തുക്കളും ഇവരെല്ലാം എന്റെ സഹോദരിമാരാണെന്നും താരം കുറിച്ചിട്ടുണ്ട്. ഭാവനയുടെ വിവാഹനിശ്ചയത്തിനും വിവാഹത്തിലുമെല്ലാം ഇരുവരും എത്തിയിരുന്നു.

കരിയറിലേയും ജീവിതത്തിലേയും പ്രധാന കാര്യങ്ങളിലെല്ലാം ഇവരുടെ സാന്നിധ്യമുണ്ടാവാറുണ്ട്.

തൃശ്ശൂരുകാരാണ് ഈ മൂന്ന് പേരും. നീണ്ട ഇടവേളയ്ക്ക് ശേഷം ഹൗ ഓള്‍ഡ് ആര്‍യൂവിലൂടെയായിരുന്നു മഞ്ജു വാര്യര്‍ സിനിമയിലേക്ക് തിരിച്ചെത്തിയത്.

സംയുക്ത വര്‍മ്മയുടെ സഹോദരിയുടെ ക്ലാസ്‌മേറ്റ് കൂടിയാണ് ഭാവന.  സിനിമയില്‍ വരുന്നതിന് മുന്‍പെ തന്നെ ഭാവനയെ അറിയാമെന്നും സംയുക്ത വര്‍മ്മ പറഞ്ഞിരുന്നു. ബിജു മേനോനുമായുള്ള വിവാഹത്തോടെയായിരുന്നു സംയുക്ത സിനിമയില്‍ നിന്നും ഇടവേളയെടുത്തത്.

സയനോര ഫിലിപ്പുള്‍പ്പടെ നിരവധി പേരാണ് ഭാവനയുടെ പോസ്റ്റിന് കീഴില്‍ കമന്റുകളുമായെത്തിയത്.