ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
കാഞ്ഞങ്ങാട് : അജാനൂർ പഞ്ചായത്തിൽ മൂന്ന് വാർഡുകളിലെ ആറ് ബൂത്തുകളിൽ സിസടിവി ക്യാമറകൾ സ്ഥാപിക്കാനും, ബൂത്തുകൾക്ക് പോലീസ് സംരക്ഷണം നൽകാനും ഹൈക്കോടതി പോലീസിനും, ചീഫ് ഇലക്ഷൻ കമ്മീഷണർക്കും നിർദ്ദേശം നൽകി. അജാനൂർ കാട്ടുകുളങ്ങര 8-ാം വാർഡ്, വെള്ളിക്കോത്ത് 7-ാം വാർഡ്, 11-ാം വാർഡ് പള്ളോട്ടെയും രണ്ടുവീതം ബൂത്തുകൾക്ക് സംരക്ഷണമൊരുക്കാനാണ് ഹൈക്കോടതി ഉത്തരവ്.
8-ാം വാർഡിൽ കോൺഗ്രസ്സ് സ്ഥാനാർത്ഥി സിന്ധു ബാബു, 7-ാം വാർഡ് കോൺഗ്രസ്സ് സ്ഥാനാർത്ഥി പി. ബാലകൃഷ്ണൻ, 11-ാം വാർഡിൽ കോൺഗ്രസ്സ് സ്ഥാനാർത്ഥി കെ. സുജാതയുമാണ് ബൂത്തുകൾക്ക് സംരക്ഷണം തേടി ഹൈക്കോടതിയെ സമീപിച്ചത്. ബൂത്തുകൾ പിടിച്ചെടുക്കാനും, അക്രമത്തിനും സാധ്യതയുണ്ടെന്നാണ് കോൺഗ്രസ്സ് സ്ഥാനാർത്ഥികൾ കോടതിയെ അറിയിച്ചത്. രണ്ട് വീതം ബൂത്തുകളുള്ള വെള്ളിക്കോത്തും, പള്ളോട്ടും സിപിഎം ശക്തികേന്ദ്രങ്ങളാണ്.
കാട്ടുകുളങ്ങര 8-ാം വാർഡിലെ രണ്ട് ബൂത്തുകളിൽ ഒന്ന് മൂലക്കണ്ടം കമ്മ്യൂണിറ്റി ഹാളിലാണെങ്കിലും, മറ്റൊരു വാർഡ് സിപിഎം ശക്തി കേന്ദ്രമായ കാരക്കുഴി കമ്മ്യൂണിറ്റി ഹാളിലേക്ക് മാറ്റിയിരുന്നു. 8-ാം വാർഡിൽ ഒരു ബൂത്ത് സ്ഥിതി ചെയ്യുന്നത് 6-ാം വാർഡായ കാരക്കുഴിയിലേക്ക് മാറ്റിയതിനെതിരെ കോൺഗ്രസ്സ് പ്രവർത്തകർ പ്രതിഷേധിച്ചിരുന്നു. 8-ാം വാർഡിലെ ബൂത്ത് മാറ്റിയത് കള്ളവോട്ട് ചെയ്യാനാണെന്നും, കോൺഗ്രസ്സ് സ്ഥാനാർത്ഥികൾ ആരോപിച്ചിരുന്നു. സംസ്ഥാന ഇലക്ഷൻ കമ്മീഷണർ, ജില്ലാ കലക്ടർ, ജില്ലാ പോലീസ് മേധാവി, റിട്ടേണിംഗ് ഓഫീസർ, കാ ഞ്ഞങ്ങാട് ഡിവൈഎസ്പി, പോലീസ് ഇൻസ്പെക്ടർമാരോടാണ് ഉത്തരവ് നടപ്പിലാക്കാൻ ഹൈക്കോടതി ആവശ്യപ്പെട്ടിരിക്കുന്നത്.
