പ്ലസ് വണ്‍: രണ്ടാം അലോട്ട്മെന്റ് ഇന്ന് അവസാനിക്കും

പ്ലസ് വൺ പ്രവേശനത്തിന് ഇതുവരെ അപേക്ഷിക്കാൻ കഴിയാത്തവർക്ക് വീണ്ടും അവസരം നൽകുമെന്ന് വിദ്യാഭ്യാസ മന്ത്രിയുടെ ഓഫീസ് അറിയിച്ചു. മൂന്നാം അലോട്ട്മെന്‍റിന് ശേഷം സപ്ലിമെന്‍ററി അലോട്ട്മെന്‍റിന് പുതിയ അപേക്ഷകൾ നൽകാം.

മുഖ്യഘട്ടത്തിൽ തെറ്റായ വിവരങ്ങൾ നൽകുകയോ ഫൈനൽ കൺഫർമേഷൻ നൽകാത്തതിനാലോ പരിഗണിക്കപ്പെടാത്ത വിദ്യാർത്ഥികൾക്കും സപ്ലിമെന്‍ററി ഘട്ടത്തിൽ പുതിയ അപേക്ഷ നൽകാം. പ്രധാന ഘട്ടത്തിൽ അപേക്ഷിച്ചിട്ടും അലോട്ട്മെന്‍റ് ലഭിക്കാത്തവർക്ക് സപ്ലിമെന്‍ററി അലോട്ട്മെന്‍റിനായി പ്രസിദ്ധീകരിച്ച ഒഴിവുകളിൽ പരിഗണനയ്ക്കായി അപേക്ഷ പുതുക്കാം.

തെറ്റായവിവരങ്ങൾ അപേക്ഷയിൽ ഉൾപ്പെട്ടതിനാൽ പ്രവേശനം നിരാകരിക്കപ്പെട്ടവർക്കും ഈയവസരത്തിൽ തെറ്റുതിരുത്തിയുള്ള അപേക്ഷനൽകാം.