കുഞ്ചാക്കോ ബോബനും അരവിന്ദ് സ്വാമിയും ഒന്നിക്കുന്ന ‘ഒറ്റ്’ ഉടൻ

മോളിവുഡ് താരം കുഞ്ചാക്കോ ബോബൻ ‘ഒറ്റ്’ എന്ന ചിത്രത്തിലൂടെ തമിഴിൽ അരങ്ങേറ്റം കുറിക്കാൻ ഒരുങ്ങുകയാണ്. തമിഴ് സൂപ്പർ സ്റ്റാർ അരവിന്ദ് സ്വാമിയും പ്രധാന വേഷത്തിലെത്തുന്ന ദ്വിഭാഷാ ചിത്രത്തിന്‍റെ ഷൂട്ടിംഗ് അവസാനിച്ചതായി അണിയറപ്രവർത്തകർ അടുത്തിടെ പ്രഖ്യാപിച്ചു. ചിത്രം ഉടൻ റിലീസിനൊരുങ്ങുകയാണ്. കുഞ്ചാക്കോ ബോബൻ തന്‍റെ ഔദ്യോഗിക ഇൻസ്റ്റഗ്രാം ഹാൻഡിലിലൂടെയാണ് ‘ഒറ്റിന്റെ’ ചിത്രീകരണം പൂർത്തിയായതായി അറിയിച്ചത്. മുഴുവൻ ടീമിനൊപ്പമുള്ള ഒരു ചിത്രം പങ്കിട്ടുകൊണ്ട്, “എന്‍റെ ഏറ്റവും ആവേശകരമായ ഒരു ചിത്രത്തിന്‍റെ ഷൂട്ടിംഗ് പൂർത്തിയാക്കുന്നു” എന്നും താരം കുറിച്ചു. രണ്ട് ഭാഗങ്ങളുള്ള സിനിമയായാണ് നിർമ്മാതാക്കൾ ചിത്രം ആസൂത്രണം ചെയ്യുന്നതെന്ന് സൂചിപ്പിക്കുന്ന ‘അധ്യായം രണ്ട്’ എന്ന ടാഗ് ലൈനും ശീർഷകത്തിലുണ്ട്. തമിഴ് നടൻ ആര്യയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. നടി ഈഷ റെബ്ബയാണ് നായിക.