സിമ്പുവിന്റെ ‘വെന്ത് തനിന്തത് കാട്’ ഈ വർഷം സെപ്റ്റംബർ 15ന് പുറത്തിറങ്ങും

റെഡ് ജയന്‍റ് മൂവീസ് സിമ്പുവിന്റെ ‘വെന്ത് തനിന്തത് കാട്’ അവതരിപ്പിക്കും. ചിത്രം ഈ വർഷം സെപ്റ്റംബർ 15ന് ലോകവ്യാപകമായി റിലീസ് ചെയ്യും. ഉദയനിധി സ്റ്റാലിന്‍റെ റെഡ് ജയന്‍റ് മൂവീസും ഇഷാരി കെ ഗണേഷിന്‍റെ വെൽസ് ഇന്‍റർനാഷണലുമാണ് ചിത്രത്തിന്‍റെ തമിഴ്നാട് തിയേറ്റർ അവകാശം സ്വന്തമാക്കിയിരിക്കുന്നത്. എതർക്കും തുനിന്ദവൻ, രാധേ ശ്യാം, ബീസ്റ് , കാത്ത് വാക്കുല രണ്ടു കാതൽ, ഡോൺ, വിക്രം തുടങ്ങി മാധവന്റെ ‘റോക്കട്രി: ദി നമ്പി ഇഫക്റ്റ്’ വരെ നിരവധി ചിത്രങ്ങൾ അവതരിപ്പിച്ചിട്ടുണ്ട്. എസ്ടിആറിനെ കൂടാതെ സിദ്ധി ഇദ്നാനി, രാധിക ശരത്കുമാർ, നീരജ് മാധവ്, സിദ്ദിഖ്, ആഞ്ജലീന എബ്രഹാം എന്നിവരും ചിത്രത്തിൽ അഭിനയിക്കുന്നുണ്ട്.