‘കോണ്‍ഗ്രസ് ഭരിച്ച സമയം രഥയാത്രയില്‍ കലാപമുണ്ടാകുമെന്ന് ജനങ്ങള്‍ ഭയന്നിരുന്നു’

ഗാന്ധിനഗര്‍: രഥയാത്രാ ആഘോഷങ്ങൾ പുരോഗമിക്കുന്നതിനിടെ കോണ്‍ഗ്രസിനെതിരെ രൂക്ഷ വിമർശനവുമായി ബിജെപി രംഗത്തെത്തി. ഗുജറാത്തിലെ കോൺഗ്രസ് ഭരണകാലത്ത് രഥയാത്ര നടത്തുമ്പോള്‍ കലാപമുണ്ടാകുമെന്ന് ജനങ്ങൾ ഭയപ്പെട്ടിരുന്നുവെന്ന് കേന്ദ്ര ആഭ്യന്തരമന്ത്രി അമിത് ഷാ പറഞ്ഞു.

കോൺഗ്രസ് ഭരണകാലത്ത് രഥയാത്ര നടക്കുമ്പോൾ കലാപമുണ്ടാകുമെന്ന് ജനങ്ങൾ ഭയപ്പെട്ടിരുന്നു. ആ സമയത്ത് അവർ രഥം എടുക്കാൻ ശ്രമിക്കുകയായിരുന്നു. എന്നാൽ ഗുജറാത്തിലെ ജനങ്ങൾ ബി.ജെ.പിക്ക് അധികാരം നൽകിയതിന് ശേഷം രഥയാത്രയിൽ മോശമായി ഒന്നും ചെയ്യാനുള്ള ധൈര്യം അവർക്ക് ഉണ്ടായിട്ടില്ലെന്നും അമിത് ഷാ പറഞ്ഞു. ഗാന്ധിനഗറിൽ ഒരു പരിപാടിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.