ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
ബേക്കൽ : ബേക്കല്‍ പോലീസ് സ്റ്റേഷന്‍ പരിധിയിൽ പ്രവാസിയുടെ ഭാര്യയേയും ഓട്ടോഡ്രൈവറേയും കാണാതായതായി പരാതി. പള്ളിക്കര സിഎച്ച് നഗറിലെ റഹ്മ ക്വാര്‍ട്ടേഴ്‌സില്‍ താമസക്കാരനായ പ്രവാസി അഷ്‌റഫിന്റെ ഭാര്യ സൈനബയെ 30, ചൊവ്വാഴ്ച രാത്രി 8 മണിയോടെയാണ് കാണാതായത്.
ക്വാര്‍ട്ടേഴ്‌സില്‍ നിന്നും പുറത്തേക്കുപോയ സൈനബ പിന്നീട് തിരിച്ചുവന്നില്ലെന്ന് ഭര്‍തൃസഹോദരന്‍ ഇക്ബാല്‍ ബേക്കല്‍ പോലീസില്‍ നല്‍കിയ പരാതിയില്‍ പറയുന്നു. ഇവര്‍ക്ക് മൂന്ന് കുട്ടികളുണ്ട്. സൈനബയുടെ മൊബൈൽ ഫോണ്‍ സ്വിച്ച് ഓഫ് ചെയ്ത നിലയിലാണ്. ബേക്കല്‍ പോലീസ് കേസെടുത്ത് അന്വേഷണമാരംഭിച്ചു.
മറ്റൊരുസംഭവത്തില്‍ പള്ളിക്കര ബിലാല്‍നഗറില്‍ ഷെഫീക്ക് മന്‍സിലില്‍ അബ്ദുള്ളയുടെ മകനും ഓട്ടോ ഡ്രൈവറുമായ ഷഫീക്കിനെയും 37, കാണാതായിട്ടുണ്ട്. ചൊവ്വാഴ്ച വൈകീട്ട് നാലരമണിയോടെ വീട്ടില്‍ നിന്നും പുറത്തേക്ക് പോയ ഷഫീഖ് പിന്നീട് തിരിച്ചെത്തിയില്ലെന്ന് ഭാര്യ പി.എച്ച്.സൈനബ ബേക്കല്‍ പോലീസില്‍ നല്‍കിയ പരാതിയില്‍ പറയുന്നു.
സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചെങ്കിലും, ഷഫീക്കിനെകുറിച്ച് യാതൊരു സൂചനയും ലഭിച്ചിട്ടില്ല. ഇയാളുടെ മൊബൈല്‍ഫോണ്‍ സ്വിച്ച് ഓഫ് ചെയ്ത നിലയിലാണ്. ഇയാള്‍ക്ക് രണ്ട് കുട്ടികളുണ്ട്. സൈനബയും ഷഫീക്കും ഒരുമിച്ച് വീടുവിട്ടതാകുമെന്ന് പോലീസ് സംശയിക്കുന്നു.
