ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
കാഞ്ഞങ്ങാട്: പൗരപ്രമുഖനും കാഞ്ഞങ്ങാട് സംയുക്ത മുസ്്ലീം ജമാഅത്ത് പ്രസിഡന്റുമായ മെട്രോ മുഹമ്മദ് ഹാജിയുടെ രോഗശമനത്തിന് വേണ്ടി കേരള മുസ്ലിം ജമാഅത്ത് സംസ്ഥാന അധ്യക്ഷന്‍ കാന്തപുരം ഏ.പി.അബൂബക്കര്‍ മുസ്ല്യാരും കേരള സംസ്ഥാന മുസ്ലിം ജമാഅത്ത് ജനറല്‍ സെക്രട്ടറി ബദറു സാദാത്ത് ഇബ്രാഹിം ഖലീല്‍ ബുഖാരി തങ്ങളും പ്രത്യേക പ്രാര്‍ത്ഥനകൾ നടത്തി. കാസര്‍കോട് ജില്ലാ മുസ്ലിം ജമാഅത്ത് കമ്മിറ്റി വിവരം അറിയിച്ചതിന്റെ അടിസ്ഥാനത്തിലാണ് ഇരു കൂട്ടരും മെട്രോ മുഹമ്മദ്ഹാജിക്ക് വേണ്ടി പ്രാര്‍ത്ഥിച്ചത്. കാഞ്ഞങ്ങാട് സംയുക്ത മുസ്ലിം ജമാഅത്തിന്റെ ദീര്‍ഘകാല പ്രസിഡന്റും സമുദായത്തിന് താങ്ങും തണലുമായി പ്രവര്‍ത്തിക്കുകയും ജാതിമത രാഷ്ട്രീയ സാമൂഹിക സാംസ്‌കാരിക രംഗങ്ങളില്‍ വ്യക്തിമുദ്ര പതിപ്പിക്കുകയും ചെയ്ത മെട്രോ മുഹമ്മദ് ഹാജി നാടിന്റെ അവിഭാജ്യ ഘടകമാണെന്ന് പ്രാർത്ഥനയിൽ ഇരുവരും എടുത്തു പറഞ്ഞു. എല്ലാ ജനങ്ങളും അദ്ദേഹത്തിന് വേണ്ടി പ്രാര്‍ത്ഥിക്കണമെന്നും കേരള മുസ്ലിം ജമാഅത്ത് കാസര്‍കോട് ജില്ലാ സെക്രട്ടറി അബ്ദുള്‍ ഹമീദ് മദനി ബല്ലാകടപ്പുറവും ആവശ്യപ്പെട്ടു.
മെട്രോ മുഹമ്മദ്ഹാജിക്ക് വേണ്ടി പ്രാർത്ഥിക്കുക: എസ്.എം.എഫ്
കാഞ്ഞങ്ങാട്: സമസ്ത കേരള സുന്നി യുവജന സംഘം സംസ്ഥാന ട്രഷററും കാഞ്ഞങ്ങാട് സംയുക്ത മുസ്്ലീം ജമാഅത്ത് പ്രസിഡണ്ടുമായ മെട്രോ മുഹമ്മദ് ഹാജിയുടെ രോഗശമനത്തിനായി പ്രാർത്ഥന നടത്താൻ എസ്.എം.എഫ് ജില്ലാ ആക്ടിംഗ് പ്രസിഡണ്ട് യു.എം. അബ്ദുറഹിമാൻ മൗലവി, ജനറൽ സെക്രട്ടറി അബ്ബാസ് കല്ലട, ജംഇയ്യത്തുൽ ഉമലാ ജില്ലാ പ്രസിഡണ്ട് മജീദ് ബാഖവി, ജനറൽ സെക്രട്ടറി മുഹ്്യുദ്ദീൻ മുസ്്ല്യാർ എന്നിവർ അഭ്യർത്ഥിച്ചു.
