കുടുംബശ്രീ  സെക്രട്ടറിക്ക് കരിക്കുകൊണ്ട്  ഇടിയേറ്റു

സ്വന്തം ലേഖകൻ

തൃക്കരിപ്പൂർ: കുടുംബശ്രീ ലോൺ കൊടുക്കാത്തതിന്  സെക്രട്ടറിയെ കരിക്കുപയോഗിച്ച് തലയ്ക്കിടിച്ചുവെന്ന പരാതിയിൽ ചന്തേര പോലീസ് കേസെടുത്തു. തൃക്കരിപ്പൂർ മാച്ചിക്കാട്ടെ നന്മ ശ്രീ കുടുംബശ്രീ സെക്രട്ടറിയും  മാച്ചിക്കാട്ടെ രാമകൃഷ്ണന്റെ  ഭാര്യയുമായ ബി. പ്രമീളയ്ക്കാണ് 46, കരിക്കുകൊണ്ട് തലയ്ക്കിടിയേറ്റത്. ഏപ്രിൽ 7 ന് വൈകുന്നേരം 4.45 നാണ് സംഭവം. കുടുംബശ്രീയിൽ  നിന്നും ലോൺ നൽകാത്തതിന് പ്രമീളയുടെ സഹോദരിയുടെ മകന്റെ ഭാര്യ കവിതയാണ് ഇവരുടെ നെറ്റിക്ക് കരിക്കുകൊണ്ടിടിച്ചത്. മുൻപെടുത്ത വായപ തിരിച്ചടക്കാത്തതിനാലാണ് കവിതയ്ക്ക് വായ്പ അനുവദിക്കാതിരുന്നത്.