കാഞ്ഞങ്ങാട്: വെസ്റ്റ് എളേരി സർവ്വീസ് സഹകരണ ബാങ്ക് പ്രസിഡണ്ടും, സിപിഎം ജില്ലാ സിക്രട്ടറിയേറ്റംഗവുമായ സാബു അബ്രഹാമിനെ കേരള ബാങ്ക് ഡയറക്ടർ ബോർഡിലേക്ക് തെരഞ്ഞെടുത്തു. കേരള ബാങ്കിന്റെ കാസർകോട് ജില്ലാ ഓഫീസിൽ കഴിഞ്ഞ ദിവസം നടന്ന തെരഞ്ഞെടുപ്പിലാണ് സാബു അബ്രഹാമിനെ കേരള ബാങ്കിന്റെ ഡയറക്ടർ ബോർഡംഗമായി തെരഞ്ഞെടുത്തത്.
കേരള ബാങ്കിന്റെ കാസർകോട് ജില്ലയിൽ നിന്നുള്ള ഏക പ്രതിനിധിയാണ് സാബു അബ്രഹാം. സിപിഎമ്മിന്റെ എളേരി ഏരിയാ സിക്രട്ടറിയായിരുന്ന സാബു അബ്രഹാം ഡിവൈഎഫ്ഐയുടെ മുൻ ജില്ലാ ഭാരവാഹിയായിരുന്നു. എസ്എഫ്ഐയിലെ പ്രവർത്തനത്തിലൂടെയാണ് ഇടതു രാഷ്ട്രീയത്തിൽ സജീവമായത്.