യുവതി ട്രെയിൻതട്ടി മരിച്ചു

സ്വന്തം ലേഖകൻ

കാഞ്ഞങ്ങാട് : യുവതി ട്രെയിൻതട്ടി മരിച്ച സംഭവത്തിൽ ഹോസ്ദുർഗ് പോലീസ് അസ്വാഭാവിക മരണത്തിന് കേസെടുത്തു. കർണ്ണാടക കാർക്കള സ്വദേശിനിയും ചിത്താരി നായ്ക്കർ വളപ്പിലെ പ്രകാശന്റെ ഭാര്യയുമായ സി. വിദ്യയെയാണ് 39, ഇന്നലെ രാവിലെ 10-45-ന് ചിത്താരി ജമാഅത്ത് സ്കൂളിന് പിറക് വശത്തെ റെയിൽപ്പാളത്തിൽ ട്രെയിൻതട്ടി മരിച്ച നിലയിൽ കണ്ടെത്തിയത്. യുവതിയുടെ മൃതദേഹം ഹോസ്ദുർഗ്ഗ് പോലീസ് ഇൻക്വസ്റ്റ് നടത്തി പോസ്റ്റ്മോർട്ടത്തിന് ശേഷം ബന്ധുക്കൾ ഏറ്റുവാങ്ങി സംസ്ക്കരിച്ചു.