നീലേശ്വരത്ത് ബിജെപി – ഡിവൈഎഫ്ഐ സംഘർഷം

സ്വന്തം ലേഖകൻ

കാഞ്ഞങ്ങാട് : ശ്രീകൃഷ്ണ ജയന്തിയുടെ ഭാഗമായി പരസ്യബോർഡുകളും കൊടിയും സ്ഥാപിച്ചതിനെച്ചൊല്ലി നീലേശ്വരത്ത് ബിജെപി- ഡിവൈഎഫ്ഐ സംഘർഷം. ശ്രീകൃഷ്ണ ജന്മാഷ്ടമിയുടെ ഭാഗമായി നീലേശ്വരം പേരോലിൽ കൊടി സ്ഥാപിച്ചതിനെതിരെയാണ് ബിജെപി -ഡിവൈഎഫ്ഐ പ്രവർത്തകർ തമ്മിൽ സംഘർഷമുണ്ടായത്.

ബിജെപി പ്രവർത്തകർ സ്ഥാപിച്ചിരുന്ന കൊടികൾ ഡിവൈഎഫ്ഐ പ്രവർത്തകർ നശിപ്പിച്ചതിന് പിന്നാലെ ബിജെപി പ്രവർത്തകർ വീണ്ടും സ്ഥലത്തെത്തി കൊടി പുനഃസ്ഥാപിച്ചു. സംഘർഷ സാധ്യതയെത്തുടർന്ന് ഇരുകൂട്ടരെയും ഇന്ന് നീലേശ്വരം പോലീസ് സ്റ്റേഷനിൽ വിളിച്ച് പോലീസ് ചർച്ച നടത്തി.