സ്വന്തം ലേഖകൻ
കാഞ്ഞങ്ങാട്: കാഞ്ഞങ്ങാട് കൊവ്വൽസ്റ്റോറിൽ നിന്നും കാണാതായ യുവതിയെ കൊല്ലം പുനലൂർ റെയിൽവെ സ്റ്റേഷനിൽ കണ്ടെത്തി. കൊവ്വൽസ്റ്റോർ കണ്ടത്തിൽ വീട്ടിൽ ബേബിയുടെ മകളായ ആതിരയെയാണ് 24, ഇന്ന് പുലർച്ചെ പുനലൂർ റെയിൽവെ സ്റ്റേഷനിൽ കണ്ടെത്തിയത്. മെയ് 31-ന് പുലർച്ചെ 12-20 നാണ് ആതിരയെ വീട്ടിൽ നിന്നും കാണാതായത്.
മാനസിക വെല്ലുവിളി നേരിടുന്ന ആതിരയുടെ തിരോധാനം സംബന്ധിച്ച് മാതാവ് ഹൊസ്ദുർഗ് പോലീസിൽ നൽകിയ പരാതിയിൽ കേസ്സെടുത്ത് അന്വേഷണം നടക്കുന്നതിനിടെയാണ് യുവതിയെ പുനലൂരിൽ കണ്ടെത്തിയത്. യുവതിയെ കാഞ്ഞങ്ങാട്ടേക്ക് കൊണ്ടുവരാൻ ഹൊസ്ദുർഗ് പോലീസ് പുനലൂരിലേക്ക് പോയിട്ടുണ്ട്.