ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
ബേക്കൽ: കടിഞ്ഞൂൽ പ്രസവത്തിനിടെ യുവതി മരിച്ച സംഭവത്തിൽ ഹൊസ്ദുർഗ്ഗ് പോലീസ് കേസ്സെടുത്തു. കോട്ടച്ചേരി കുന്നുമ്മലിലെ സ്വകാര്യാശുപത്രിയിൽ ഇന്നലെയാണ് ഇരുപതുകാരി ശസ്ത്രക്രിയക്കിടെ മരണപ്പെട്ടത്. മേൽപ്പറമ്പ് പള്ളിപ്പുഴത്തെ വയറിംഗ് തൊഴിലാളി ഗണേശന്റെ ഭാര്യയും തൃക്കണ്ണാട്
തൃക്കാടിയിലെ ശേഖര- കുസുമം ദമ്പതികളുടെ മകളുമായ നിഷ്മയാണ് സ്വകാര്യാശുപത്രിയിൽ മരിച്ചത്. ശസ്ത്രക്രിയ ചെയ്ത് കുഞ്ഞിനെ പുറത്തെടുത്ത ശേഷം യുവതിയെ അത്യാഹിത വിഭാഗത്തിലേക്ക് മാറ്റിയിരുന്നു. ഒക്ടോബർ 30-നാണ് നിഷ്മയെ ആദ്യ പ്രസവത്തിന് കുന്നുമ്മലിലെ സ്വകാര്യാശുപത്രിയിൽ പ്രവേശിപ്പിച്ചത്.
നവംബർ 9-നാണ് പ്രസവത്തീയ്യതിയെങ്കിലും, ഇന്നലെ അസ്വസ്ഥത അനുഭവപ്പെട്ടതിനെ തുടർന്ന് കുട്ടിയെ ശസ്ത്രക്രിയ വഴി പുറത്തെടുക്കുകയായിരുന്നു. കുഞ്ഞിന്റെ ആരോഗ്യത്തിന് കുഴപ്പമില്ല. മൃതദേഹം കോവിഡ് പ്രോട്ടോക്കോൾ പ്രകാരം പരിയാരം മെഡിക്കൽ കോളേജിൽ പോസ്റ്റമോർട്ടത്തിന് വിധേയമാക്കിയ ശേഷം ബന്ധുക്കൾക്ക് കൈമാറും. പെരിയ പോളിടെക്നിക് വിദ്യാർത്ഥി നിധീഷ് സഹോദരനാണ്.
