വിക്രം വേദ 50 കോടി കടന്നു

തമിഴ് പ്രേക്ഷകരെ അമ്പരപ്പിച്ച ‘വിക്രം വേദ’ ഇപ്പോൾ ഹിന്ദിയിലും ശ്രദ്ധ നേടുകയാണ്. ഹൃത്വിക് റോഷൻ നായകനായ ചിത്രത്തിന് തുടക്കത്തിൽ വലിയ പ്രതീക്ഷകളൊന്നും ഉണ്ടായിരുന്നില്ല. എന്നാൽ ബോക്സ് ഓഫീസ് റിപ്പോർട്ടുകൾ പ്രകാരം സിനിമയ്ക്ക് തീയേറ്ററുകളിൽ വലിയ ദുരന്തം നേരിടേണ്ടി വരില്ല. ചിത്രത്തിന്റെ കളക്ഷൻ 55 കോടി കവിഞ്ഞു.

റിലീസ് ദിവസം 10.35 കോടി രൂപയാണ് ചിത്രം കളക്ട് ചെയ്തത്. തുടർന്നുള്ള ദിവസങ്ങളിൽ, ചിത്രം 12.55 കോടി, 13.50 കോടി, 5.60 കോടി, 6 കോടി രൂപ എന്നിങ്ങനെ കളക്ഷൻ നേടി, മൊത്തം കളക്ഷൻ 55 കോടി രൂപയായി. ‘വിക്രം വേദ’ റിലീസ് ചെയ്ത അതേ ദിവസം തന്നെ സ്ക്രീനിലെത്തിയ ‘പൊന്നിയിൻ സെൽവൻ’ ഇതിനകം 300 കോടി രൂപ നേടിക്കഴിഞ്ഞു. പുഷ്കറും ഗായത്രിയും ചേർന്ന് സംവിധാനം ചെയ്ത ‘വിക്രം വേദ’ തമിഴ് സിനിമയിൽ വൻ വിജയമായിരുന്നു.

പുഷ്കറും ഗായത്രിയും ചേർന്ന് സംവിധാനം ചെയ്ത ചിത്രത്തിന്‍റെ ഹിന്ദി തിരക്കഥ ഒരുക്കിയിരിക്കുന്നത് നീരജ് പാണ്ഡെയാണ്. ഭൂഷൺ കുമാർ, കൃഷൻ കുമാർ, എസ് ശശികാന്ത് എന്നിവർ ചേർന്നാണ് ചിത്രം നിർമ്മിക്കുന്നത്. ടി-സീരീസ്, റിലയൻസ് എന്‍റർടെയ്ൻമെന്‍റ്, ഫ്രൈഡേ ഫിലിം വർക്ക്സ്, ജിയോ സ്റ്റുഡിയോസ് എന്നിവയുടെ ബാനറുകളിലാണ് ചിത്രം നിർമ്മിക്കുന്നത്. ഹൃത്വിക് റോഷനെ കൂടാതെ സെയ്ഫ് അലി ഖാൻ, രാധിക ആപ്തെ, രോഹിത് സറഫ്, യോഗിത ബിഹാനി, ഷരീബ് ഹാഷ്മി എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. റിച്ചാർഡ് കെവിൻ ആണ് ചിത്രത്തിന്‍റെ എഡിറ്റർ. ഛായാഗ്രഹണം പി.എസ്.വിനോദ് കൈകാര്യം ചെയ്യുന്നു. സാം സിഎസ് പശ്ചാത്തല സംഗീതം ഒരുക്കുന്നു, വിശാൽ ദദ്ലാനി, ശേഖർ രവ്ജിയാനി എന്നിവരാണ് ഗാനങ്ങൾ ചിട്ടപ്പെടുത്തിയിരിക്കുന്നത്.