ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
കാഞ്ഞങ്ങാട്: ഇന്‍സ്റ്റഗ്രാമില്‍ പരിചയപ്പെട്ട കാമുകനെ തേടിയിറങ്ങിയ പതിനേഴുകാരി പോലീസ് പിടിയില്‍. രാജപുരം പോലീസ് സ്റ്റേഷന്‍ പരിധിയില്‍ താമസക്കാരിയായ പെണ്‍കുട്ടിയാണ് കാഞ്ഞങ്ങാട് റെയിൽവെ സ്റ്റേഷനില്‍ പിടിയിലായത്. പെണ്‍കുട്ടിയെ കാണാനില്ലെന്ന് വീട്ടുകാര്‍ രാജപുരം പോലീസില്‍ പരാതി നല്‍കിയിരുന്നു. അന്വേഷണത്തിന്റെ ഭാഗമായി റെയിൽവെ സ്റ്റേഷനുകളിലും ബസ്സ്റ്റാന്റുകളിലും നിരീക്ഷണമേര്‍പ്പെടുത്താന്‍ പോലീസ് നിര്‍ദ്ദേശം നല്‍കി. നിരീക്ഷണം തുടരുന്നതിനിടയിലാണ് പെണ്‍കുട്ടി കാഞ്ഞങ്ങാട് റെയിൽവെ സ്റ്റേഷനിലെത്തിയത്.
സ്റ്റേഷനില്‍ ഡ്യൂട്ടിയിലുണ്ടായിരുന്ന പോലീസുദ്യോഗസ്ഥർപെണ്‍കുട്ടിയെ സമീപിച്ച് പേരു വിവരങ്ങള്‍ ആരാഞ്ഞപ്പോഴാണ് മലയോരത്ത് നിന്നു കാണാതായ കുട്ടിയാണെന്ന് വ്യക്തമായത്. ഇന്‍സ്റ്റഗ്രാം വഴി പരിചയപ്പെട്ട കാമുകനെ തേടിയാണ് വീട്ടില്‍ നിന്നിറങ്ങിയതെന്നാണ് പെണ്‍കുട്ടി പൊലീസിന് നല്‍കിയ മൊഴി. എന്നാല്‍ കാമുകന്റെ നാടോ, പേരോ പെണ്‍കുട്ടിക്ക് കൃത്യമായി അറിയുമായിരുന്നില്ല
