യുവതിയെ വീട്ടിൽക്കയറി മർദ്ദിച്ചു

സ്വന്തം ലേഖകൻ

നീലേശ്വരം: യുവതിയെ വീട്ടിൽ അതിക്രമിച്ച് കയറി മർദ്ദിച്ചുവെന്ന പരാതിയിൽ നീലേശ്വരം പോലീസ് മൂന്നുപേർക്കെതിരെ കേസെടുത്തു. തായന്നൂർ കാലിച്ചാനടുക്കം ഷിഫാന മൻസിലിൽ ഷംസുദ്ദീന്റെ മകളും ചായ്യോം ബസാറിൽ താമസക്കാരിയുമായ കെ. ഫാത്തിമയെയാണ് 30, ഏപ്രിൽ 15 ന് രാത്രി 8 മണിക്ക് പൂച്ചക്കാട്ടെ റാഷിദയുടെ നേതൃത്വത്തിലുള്ള മുന്നംഗ സംഘം വീട്ടിൽക്കയറി മർദ്ദിച്ചത്.

റാഷിദയുടെ ഭർത്താവിനെ ഫാത്തിമ വിവാഹം ചെയ്തെന്നാരോപിച്ചാണ് മൂന്നംഗ സംഘം വീട്ടിൽ അതിക്രമിച്ച് കയറി ഫാത്തിമയെ മർദ്ദിക്കുകയും കല്ലെറിഞ്ഞ് വീടിന്റെ ജനൽ ചില്ലുകൾ തകർക്കുകയും ചെയ്തത്.