ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
കാഞ്ഞങ്ങാട് : അതിഞ്ഞാൽ തെക്കേ പുറത്ത് ജ്യൂസ് കച്ചവടക്കാരായ യുവാക്കൾക്ക് നേരെ അക്രമം നടത്തിയവർക്കെതിരെ നരഹത്യാശ്രമത്തിന് കേസ്. കല്ലൂരാവി സ്വദേശികളായ സി.എച്ച്.റംഷീദ് 30, മൂവാരിക്കുണ്ടിലെ പി.റംഷീദ് 27 എന്നിവർക്ക് നേരെയാണ് ആക്രമണം ഉണ്ടായത്. സംഭവവുമായി ബന്ധപ്പെട്ട് നവാസ്, നാസർ , ബഷീർ, കരീം എന്നീ നാലുപേർക്കെതിരെയാണ് ഹൊസ്ദുർഗ് പോലീസ് നരഹത്യാശ്രമത്തിന് കേസ്സെടുത്തത്.
യുവാക്കൾ തെക്കേപ്പുറത്ത്നടത്തുന്ന ജ്യൂസ് കടയിൽ ജ്യൂസ് കച്ചവടം വർദ്ധിച്ച വിരോധത്തിൽ മോട്ടോർ ബൈക്കിൽ എത്തിയ സംഘം ആക്രമിക്കുകയായിരുന്നുവെന്നാണ് പരാതി. ആദ്യമെത്തിയ ആൾ ഇവരെ മോട്ടോർ ബൈക്കിന്റെ താക്കോലെടുത്ത് കുത്തി . പിന്നീട് ഗ്ലാസ് കഷണം ഉപയോഗിച്ച് കഴുത്തിനു വീശുകയും ഇത് തടഞ്ഞപ്പോൾ കൈവിരലിന് മുറിവേൽക്കുകയും ചെയ്തു. യുവാക്കളെ കടയിൽ നിന്നും വലിച്ചിറക്കി ആക്രമിക്കുകയായിരുന്നു.
