പതിനേഴുകാരിയെ പീഡിപ്പിച്ച് ഗർഭിണിയാക്കി

കാസർകോട്:  പ്രണയം നടിച്ച് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ യുവാവ് അറസ്റ്റിൽ. നെല്ലിക്കുന്ന് കടപ്പുറത്തെ റിജേഷിനെ യാണ് 22 കാസർകോട് വനിതാ പോലീസ് സ്റ്റേഷൻ ഇൻസ്പെക്ടർ പി.ചന്ദ്രിക അറസ്റ്റ് ചെയ്തത്. വിദ്യാർത്ഥിനിയായ പെൺകുട്ടിയെയാണ്  പ്രണയം നടിച്ച് യുവാവ്  പീഡിപ്പിച്ചത്. ദേഹാസ്വാസ്ഥ്യത്തെ തുടർന്ന് പെൺകുട്ടിയെ കഴിഞ്ഞ ദിവസം വീട്ടുകാർ ആശുപത്രിയിൽ പ്രവേശിപ്പിച്ചിരുന്നു.

ഡോക്ടറുടെ പരിശോധനയിലാണ് പെൺകുട്ടി രണ്ട് മാസം ഗർഭിണിയാണെന്ന് തിരിച്ചറിഞ്ഞത് .തുടർന്ന് പോലീസിലും ചൈൽഡ് ലൈനിലും വിവരമറിയിക്കുകയായിരുന്നു. പെൺകുട്ടിയുടെ മൊഴിയെടുത്ത പോലീസ് പോക്സോ നിയമപ്രകാരം കേസെടുത്ത് പ്രതിയെ അറസ്റ്റുചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻ്റ്ചെയ്തു.