യുവാവ് കിണറ്റിൽ വീണുമരിച്ചു

സ്വന്തം ലേഖകൻ

കാഞ്ഞങ്ങാട് : മാവുങ്കാൽ മേലടുക്കത്ത് യുവാവിനെ കിണറ്റിൽ വീണ് മരിച്ച നിലയിൽ കണ്ടെത്തി. മേലടുക്കം പുതിയടത്ത്  വീട്ടിൽ എം.സി. ജോർജ്ജിന്റെ മകൻ അബ്രഹാം പ്രസാദിനെയാണ് 48, ഇന്നലെ രാത്രി 7-30 മണിയോടെ കിണറ്റിൽ വീണ് മരിച്ച നിലയിൽ കണ്ടെത്തിയത്.

മദ്യലഹരിയിൽ നടന്നുപോകുന്നതിനിടെ ഇദ്ദേഹം അബദ്ധത്തിൽ കിണറിൽ വീഴുകയായിരുന്നുവെന്നാണ് സൂചന. മൃതദേഹം ഹോസ്ദുർഗ്ഗ് പോലീസ് ഇൻക്വസ്റ്റ് നടത്തി പോസ്റ്റ്മോർട്ടത്തിന്  ശേഷം ബന്ധുക്കൾക്ക് കൈമാറി. സംഭവത്തിൽ ഹോസ്ദുർഗ്ഗ് പോലീസ് അസ്വാഭാവിക മരണത്തിന് കേസെടുത്തു.