മദ്യലഹരിയിൽ ബഹളമുണ്ടാക്കിയതിന് കേസ്

സ്വന്തം ലേഖകൻ

കാഞ്ഞങ്ങാട് : വസ്ത്ര വിൽപ്പന ശാലയിൽ മദ്യലഹരിയിൽ ബഹളമുണ്ടാക്കിയ യുവാവിനെതിരെ ഹോസ്ദുർഗ്ഗ് പോലീസ് കേസെടുത്തു. പുതിയകോട്ട ടി.ബി. റോഡിലെ വസ്ത്രാലയത്തിൽ ഇന്നലെ ഉച്ചയ്ക്ക് 2-30 മണിക്കാണ് യുവാവ് ബഹളമുണ്ടാക്കിയത്. കരിവെള്ളൂർ കുണിയൻ പൊയ്യക്കടവത്ത് കൃഷ്ണന്റെ മകൻ  പി. കെ. സുനിൽകുമാറാണ് 48, വസ്ത്രവ്യാപാര സ്ഥാപനത്തിൽ മദ്യപിച്ചെത്തി ബഹളമുണ്ടാക്കിയത്. ഹോസ്ദുർഗ്ഗ് പോലീസെത്തിയാണ് യുവാവിനെ കടയിൽ നിന്നും നീക്കിയത്.