ചിത്താരിയിൽ പാചക വാതകം ചോർന്നു, നൂറോളം കുടുംബങ്ങളെ ഒഴിപ്പിച്ചു
LatestDaily 
കാഞ്ഞങ്ങാട്: പ്രായപൂര്‍ത്തിയാകാത്ത ആണ്‍കുട്ടിയെ ലൈംഗികമായി പീഡിപ്പിച്ച കോച്ചിന് കോടതി 36 വര്‍ഷം തടവുശിക്ഷ വിധിച്ചു. ഒരുലക്ഷം രൂപ പിഴയടയ്ക്കാനും പോക്സോ കോടതി ജഡ്ജ് ഉത്തരവിട്ടു. പിഴ അടച്ചില്ലെങ്കില്‍ പതിനൊന്ന് മാസം അധിക തടവ് അനുഭവിക്കണം.
2018 ഡിസംബറിലാണ് കേസിനാസ്പദമായ സംഭവം നടന്നത്. സംസ്ഥാന യൂത്ത് വോളിബോള്‍ ചാമ്പ്യന്‍ഷിപ്പ് മത്സരം കാണിക്കാനെന്നും പറഞ്ഞാണ് വോളിബോള്‍ കോച്ചായ പ്രതി പി.വി. ബാലൻ 68, കുട്ടിയെ കൂട്ടിക്കൊണ്ടുപോയത്. ചെറുപുഴയിലെ ലോഡ്ജിൽ താമസിപ്പിച്ചായിരുന്നു പീഡനം.
പരിയാരം സ്വദേശിയാണ് പി.വി ബാലൻ. 12 വയസുകാരനാണ് പ്രകൃതി വിരുദ്ധ പീഡനത്തിനിരയായത്. പീഡനത്തിന് പത്തു വര്‍ഷം കഠിനതടവും പോക്സോ നിയമത്തിലെ രണ്ട് വകുപ്പുകള്‍ പ്രകാരം 26 വര്‍ഷം കഠിനതടവുമാണ് ശിക്ഷ. ശിക്ഷ ഒന്നിച്ചനുഭവിച്ചാല്‍ മതി. ഹൊസ്ദുഗ് ഫാസ്റ്റ് ട്രാക്ക് പ്രത്യേക കോടതി ജഡ്ജ് സി സുരേഷ് കുമാറാണ് ശിക്ഷ വിധിച്ചത്.
