മന്ത്രി വീണാ ജോർജ് നാളെ ജില്ലയിൽ

കാഞ്ഞങ്ങാട്: ആരോഗ്യവകുപ്പ് മന്ത്രി വീണാ ജോർജ് നാളെ ജില്ലയിൽ വിവിധ പരിപാടികളിൽ പങ്കെടുക്കും. ഉച്ചക്ക് 12-30ന് കാഞ്ഞങ്ങാട്ടെ ജില്ലാ ആശുപത്രിയിൽ നവജാത ശിശുക്കളുടെ പരിചരണത്തിനുള്ള എസ്എൻസിയു പീഡിയാട്രിക്ക് വാർഡ് മന്ത്രി വീണാ ജോർജ് ഉദ്ഘാടനം ചെയ്യും.

ഉച്ചതിരിഞ്ഞ് 3-ന് തൈക്കടപ്പുറം കുടുംബാരോഗ്യ കേന്ദ്രവും വൈകീട്ട് 5-ന് ഓലാട്ട് കുടുംബാരോഗ്യ കേന്ദ്രവും മന്ത്രി ഉദ്ഘാടനം ചെയ്യും. നാളെ കാസർകോട്ടെത്തുന്ന  മന്ത്രി വീണാ ജോർജ് മൊഗ്രാലിൽ ഗവ: യുനാനി ഡിസ്പൻസറിയുടെ പുതിയ ഐപി ബ്ലോക്ക് ഉദ്ഘാടനം ചെയ്യും.  പതിനൊന്ന് മണിക്ക് ഉക്കിനടുക്കയിൽ കാസർകോട് ഗവ. മെഡിക്കൽ കോളേജ് ഹോസ്റ്റൽ കെട്ടിടത്തിന്റെ ശിലാസ്ഥാപനം മന്ത്രി നിർവ്വഹിക്കും.