കാട്ടിലെ രതി വീണ്ടും നാട്ടിൽ പാട്ട്

നീലേശ്വരം: പാർട്ടി ഗ്രാമമായ മടിക്കൈയിൽ മൂന്നു മാസം മുമ്പ് പടർന്നു പിടിച്ച കാട്ടിലെ രതി വീണ്ടും നാട്ടിൽ പാട്ടായി. പാർട്ടി കോതോട്ട് ബ്രാഞ്ച് സിക്രട്ടറിയും ഓട്ടോ തൊഴിലാളിയുമായ യുവാവിന്റെ ഭാര്യയെ  തൊട്ടടുത്തുള്ള പാർട്ടി ബ്രാഞ്ച് സിക്രട്ടറി മടിക്കൈ കാട്ടിൽ കൊണ്ടുപോയി രതി ലീലകളിൽ ഏർപ്പെട്ട സംഭവം നാലംഗ ബിജെപി പ്രവർത്തകർ കയ്യോടെ പിടികൂടിയ രതിയാണ് ഇപ്പോൾ മൂന്നു മാസത്തിന് ശേഷം വീണ്ടും പത്തി വിടർത്തിയത്.

ഈ സംഭവത്തിൽ യുവഭർതൃമതിയെ പ്രണയം നടിച്ച് കാട്ടിൽ കൊണ്ടുപോയ പാർട്ടി കാര്യളം  ബ്രാഞ്ച് സിക്രട്ടറിയെ രതി പുറത്തു വന്നപ്പോൾ, ബ്രാഞ്ച് സിക്രട്ടറി സ്ഥാനത്ത് നിന്ന് മാത്രമാണ് പാർട്ടി നടപടി എന്നോണം മാറ്റി നിർത്തിയിരുന്നത്. ഭർതൃമതിയെ കാട്ടിലെത്തിച്ച ബ്രാഞ്ച് സിക്രട്ടറി പിന്നീട് പ്രദേശത്തെ സകല പാർട്ടി പരിപാടികളിലും സജീവമായതോടെയാണ്  യുവഭർതൃമതിയുടെ  ഭർത്താവ് ഇപ്പോൾ ഭാര്യയുടെ കാമുകനെതിരെ  പാർട്ടിയിൽ കലാപക്കൊടിയുമായി രംഗത്തു വന്നത്.

ഭാര്യാകാമുകനും പാർട്ടി ഏരിയാ നേതൃത്വവും ഒത്തുകളിച്ചതുമൂലമാണ്, ഭാര്യയെ രതിക്ക് വേണ്ടി കാട്ടിൽ കൊണ്ടുപോയ കാര്യളം  ബ്രാഞ്ച് സിക്രട്ടറിക്ക് ഉമ്മ കൊടുത്ത് ബ്രാഞ്ച് സിക്രട്ടറി സ്ഥാനത്ത് നിന്ന് മാത്രം മാറ്റി നിർത്തിയതെന്ന് ആരോപിച്ച്, ഇപ്പോൾ യുവഭർതൃമതിയുടെ  ഭർത്താവ് പാർട്ടി ജില്ലാ കമ്മിറ്റിക്കും, നീലേശ്വരം ഏരിയാ കമ്മിറ്റിക്കും പരാതി നൽകിയിട്ടുള്ളത്.

കാട്ടിൽ രതിലീലകളിലേർപ്പെട്ട യുവഭർതൃമതിയേയും ടിപ്പർ ഡ്രൈവറായ കാര്യളം ബ്രാഞ്ച് സിക്രട്ടറിയേയും കയ്യോടെ പിടികൂടിയത് മാവുങ്കാൽ  കേന്ദ്രീകരിച്ചുള്ള അഞ്ചംഗ ബിജെപി സംഘമാണ്. കാട്ടിൽ നിന്ന് കമിതാക്കളെ അർദ്ധ നഗ്നരായി പിടികൂടിയ ബിജെപി സംഘം അവിടെ വെച്ചുതന്നെ കമിതാക്കളുടെ അർധ നഗ്ന ചിത്രം സെൽഫോണിൽ പകർത്തിയിരുന്നു. ഈ ചിത്രം പുറത്തുവിടരുതെന്ന് യുവഭർതൃമതിയുടെ കാമുകനായ ടിപ്പർ ഡ്രൈവർ ആവശ്യപ്പെട്ടപ്പോൾ, ബിജെപി സംഘം ബ്രാഞ്ച്് സിക്രട്ടറിയോട് അരലക്ഷം രൂപ ആവശ്യപ്പെട്ടിരുന്നു.

ആർഎസ്എസ് കാര്യവാഹ് ആയ കാഞ്ഞങ്ങാട് സൗത്തിലെ സത്യരാജനടക്കം അഞ്ചുപേരെ, കാട്ടിൽ കുടുങ്ങിയ കാര്യളം ബ്രാഞ്ച് സിക്രട്ടറിയെ ഭീഷണിപ്പെടുത്തി പണമാവശ്യപ്പെട്ടുവെന്ന കേസ്സിൽ അമ്പലത്തറ പോലീസ് ഇൻസ്പെക്ടർ രഞ്ജിത് രവീന്ദ്രൻ മാവുങ്കാൽ ടൗണിൽ പതിയിരുന്ന് പിടികൂടുകയും ചെയ്തിരുന്നു. ഈ കേസ്സിൽ ബിജെപി സംഘം ഒരു മാസക്കാലം റിമാന്റ്  തടവിൽ കിടക്കുകയും ചെയ്തു.

ഭാര്യയെ കാട്ടിലേക്ക് തട്ടിക്കൊണ്ടുപോയ കാര്യളം ബ്രാഞ്ച് സിക്രട്ടറിയെ തത്വത്തിൽ സിപിഎം ഏരിയാ നേതൃത്വം കാര്യമായ നടപടിയൊന്നുമില്ലാതെ സംരക്ഷിച്ചതിനാലാണ് ഈ യുവാവ് ഇപ്പോഴും പാർട്ടിയിൽ സജീവമായതെന്നാണ് യുവഭർതൃമതിയുടെ ഭർത്താവിന്റെ പുതിയ പരാതി.

കമിതാവിനെ പാർട്ടിയിൽ നിന്ന് പുറത്താക്കാൻ സിപിഎം നേതൃത്വം തയ്യാറായില്ലെങ്കിൽ തന്റെ ഭാര്യയെ തട്ടിക്കൊണ്ടുപോയി കാട്ടിൽ ബലാത്സംഗം ചെയ്തുവെന്ന് കാണിച്ച് ഭാര്യ തന്നെ പോലീസിൽ  പരാതിപ്പെടുമെന്ന് സിപിഎം കോതോട്ട് ബ്രാഞ്ച് സിക്രട്ടറി പാർട്ടി നേതൃത്വങ്ങൾക്ക് ആഗസ്ത് 2-ന് നൽകിയ പരാതിയിൽ തുറന്നു പറഞ്ഞിട്ടുണ്ട്.