അമ്മയും-കുഞ്ഞും ആശുപത്രിയോടുള്ള അവഗണന, കോൺഗ്രസ്‌ പ്രക്ഷോഭത്തിലേക്ക്

കാഞ്ഞങ്ങാട്:  പഴയ ജില്ലാ ആശുപത്രിയോടനുബന്ധിച്ച്  ഏറെ കൊട്ടിഘോഷിച്ചു കൊണ്ട്, കൊണ്ട് വന്ന അമ്മയും കുഞ്ഞും ആശുപത്രി കെട്ടിടം പൂർത്തിയായി രണ്ടുവർഷം കഴിഞ്ഞിട്ടും  തുറന്നു കൊടുക്കാത്തത്  നീതിനിഷേധമാണെന്ന് ഡിസിസി പ്രസിഡന്റ്  പി കെ ഫൈസൽ സൂചിപ്പിച്ചു.

മാതൃ-ശിശു സംരക്ഷണത്തെക്കുറിച്ച്  ഊറ്റംകൊള്ളുന്ന പിണറായി സർക്കാർ ജില്ലക്ക് ആകമാനം ഗുണപ്രദമാകുന്ന അമ്മയും കുഞ്ഞും ആശുപത്രിയോട് കാണിക്കുന്ന ചിറ്റമ്മനയത്തിൽ പ്രതിഷേധിച്ച്   31ന് (ചൊവ്വാഴ്ച) രാവിലെ 10:00മണിക്ക് ജില്ല ആശുപത്രിക്ക് മുന്നിൽ സമര സംഗമം  സംഘടിപ്പിക്കുമെന്ന്  പി കെ ഫൈസൽ അറിയിച്ചു. ആരോഗ്യ മേഖലയോട് കാണിക്കുന്ന സർക്കാർ   അവഗണനയിൽ പ്രതിഷേധിച്ച്  ശക്തമായ സമര പരിപാടികളുമായി ജില്ലാ കോൺഗ്രസ് കമ്മിറ്റി മുന്നോട്ടുപോകുമെന്നും അദ്ദേഹം സൂചിപ്പിച്ചു.