എംഡിഎംഏ പിടികൂടി

ബേക്കൽ : മൗവ്വൽ ബിലാൽ നഗറിൽ എംഡിഎംഏയുമായി പിടിയിലായ യുവാവിനെതിരെ ബേക്കൽ പോലീസ് എൻഡിപിഎസ് ആക്ട് പ്രകാരം കേസെടുത്തു. ബേക്കൽ പോലീസ് ഇൻസ്പെക്ടർ യു.പി. വിപിനിന്റെ നേതൃത്വത്തിൽ നടത്തിയ പരിശോധനയിലാണ് ഇന്നലെ ലഹരി മരുന്ന് പിടികൂടിയത്.

ഇന്നലെ രാത്രി 10.45-നാണ് മൗവ്വൽ തായൽ ബിലാൽ നഗറിലെ അയൂബിന്റെ മകൻ ഏ.എം. ആസിഫിനെ 26, എംഡിഎംഏ രാസ ലഹരി മരുന്നുമായി പോലീസ് പിടികൂടിയത്. യുവാവിന്റെ പക്കൽ നിന്നും 3.88 ഗ്രാം ലഹരി മരുന്ന് പിടിച്ചെടുത്തു. വിൽപ്പന ലക്ഷ്യമിട്ടാണ് യുവാവ് ലഹരി മരുന്നുമായി മൗവ്വലിലെത്തിയത്.