പീഡന ശ്രമം : മദ്രസാധ്യാപകനെതിരെ പോക്സോ

മേൽപ്പറമ്പ് : പ്രായപൂർത്തിയാകാത്ത പെൺകുട്ടിയെ മാനഭംഗപ്പെടുത്താൻ ശ്രമിച്ച മദ്രസ്സ അധ്യാപകനെതിരെ മേൽപ്പറമ്പ് പോലീസ് പോക്സോ നിയമ പ്രകാരം കേസെടുത്തു. മേൽപ്പറമ്പ് പോലീസ് സ്റ്റേഷൻ പരിധിയിൽ താമസിക്കുന്ന 13 കാരിയെയാണ് മദ്രസാധ്യാപകൻ മാനഭംഗപ്പെടുത്താൻ ശ്രമിച്ചത്.

മാർച്ച് 12-നാണ് കേസിനാസ്പദമായ സംഭവം നടന്നത്. ദേളി സ്വദേശിയായ ഉസ്മാൻ എന്ന മദ്രസ്സാധ്യാപകനാണ് 13 കാരിയെ സ്വന്തം മുറിയിലേക്ക് പ്രലോഭിപ്പിച്ച് കൊണ്ടുപോയി ബലാത്സംഗത്തിനിരയാക്കാൻ ശ്രമിച്ചത്. പെൺകുട്ടി രക്ഷിതാക്കളോട് വിവരമറിയിച്ചതോടെയാണ് സംഭവം പുറത്തായത്. തുടർന്ന് രക്ഷിതാക്കൾ പോലീസിൽ പരാതി നൽകുകയായിരുന്നു.