എസ്്ഡിപിഐ. പ്രവർത്തകന്റെ വീട്ടിൽ ഇഡി റെയ്ഡ്

ഇഡിക്കെതിരെ പ്രതിഷേധവുമായി എസ്്ഡിപിഐ

പാലയാട് രവി

തലശ്ശേരി: അനധികൃത സമ്പാദ്യമുണ്ടെന്ന വിവരത്തെ തുടർന്ന് എസ്.ഡി.പി.ഐ.പ്രവർത്തകന്റെ  പെരിങ്ങത്തൂരിലെ വീട്ടിൽ ഇ.ഡി.യുടെ മിന്നൽ റെയ്ഡ്. ഗുരുജി മുക്കിലെ പായത്ത് ഷഫീഖിന്റെ  വീട്ടിൽ ഇന്ന് രാവിലെ 8.30 ന് തുടങ്ങിയ പരിശോധന തുടരുകയാണ്.

റെയ്ഡിൽ പ്രതിഷേധിച്ച് പരിസരത്തെ എസ്.ഡി.പി.ഐ.പ്രവർത്തകർ വീട്ടിന് മുന്നിൽ കൂട്ടം കൂടി മുദ്രാവാക്യം വിളിച്ച് പ്രതിഷേധിച്ചു. ഇ.ഡി.ഗോബാക്ക് എന്നാണ്  മുദ്രാവാക്യം വിളി . എസ്.ഡി.പി.ഐ.യുടേയോ പോപ്പുലർ ഫ്രന്റിന്റെയോ  ഭാരവാഹിയല്ലാത്ത ഒരു സാധാരണ പ്രവർത്തകന്റെ  വീട്ടിൽ ഇത്തരം റെയ്ഡ് നടത്തുന്നത് സംഘടനയെ അപകീർത്തിപ്പെടുത്താനാണെന്ന് നേതാക്കൾ പറഞ്ഞു.

പരിപാടി നടക്കുമ്പോൾ വീഡിയോകളും ഫോട്ടോകളും പകർത്തുന്നയാ ളാണ് ഷഫീഖെന്നും മറ്റ് ഉത്തരവാദിത്തങ്ങളില്ലെന്നും അവർ അറിയിച്ചു. എന്നാൽ എസ്‌ ഡി. പി. ഐ, പി.എഫ്.ഐ, സoഘടനക്ക് ഫണ്ട് എത്തിക്കുന്ന പ്രധാനിയാണ് ഷഫീഖെന്ന സൂചനയിലാണ്.ഇ.ഡി.യുടെ നീക്കം.

ഒരു സംഘം എസ്.ഡി.പി.ഐ പ്രവർത്തകർ  ഇ.ഡി. ഉദ്യോഗസ്ഥരെ തടസ്സപ്പെടുത്തുന്നതായി പ്രചരിപ്പിക്കപ്പെട്ടതിനെ തുടർന്ന് പ്രദേശത്തെ ബി.ജെ.പി.പ്രവർത്തകരും സ്ഥലത്ത് സംഘടിച്ചു.ചൊക്ലി പോലീസ് സ്ഥലത്തുണ്ട്.