കാറിടിച്ച് ലോട്ടറി വിൽപ്പനക്കാരൻ മരണപ്പെട്ടു

കാഞ്ഞങ്ങാട്: കാറിടിച്ച് ലോട്ടറി വിൽപ്പനക്കാരൻ മരണപ്പെട്ടു. തോയമ്മലിലെ സുധീഷാണ് 37, വാഹനാപകടത്തിൽ മരണപ്പെട്ടത്. ഇന്നലെ രാത്രി 11-30 മണിയോടെ കൂളിയങ്കാലിലാണ് അപകടം. ഇടിച്ചിട്ട വെള്ളനിറത്തിലുള്ള കാർ നിർത്താതെ ഓടിച്ചുപോയി. നടന്നുപോകുന്നതിനിടെയാണ് അപകടം.

അപകടത്തിൽ ഗുരുതരമായി പരിക്കേറ്റ യുവാവിനെ നാട്ടുകാർ ജില്ലാആശുപത്രിയിലെത്തിച്ചുവെങ്കിലും മരണപ്പെട്ടിരുന്നു. മൃതദേഹം ജില്ലാആശുപത്രി മോർച്ചറിയിൽ. ഹൊസ്ദുർഗ്ഗ് പോലീസ് കേസ്സെടുത്ത് അന്വേഷണമാരംഭിച്ചു.