മു​സ്​​ലീം ലീ​ഗിന്റെ ന​യ​രേ​ഖ ക​ൺ​കെ​ട്ട് വി​ദ്യ: ഐഎ​ൻഎ​ൽ

അജാനൂർ: ലീഗ് നേ​തൃ​ത്വ​ത്തെ ഗ്ര​സി​ച്ച അ​ഴി​മ​തി​യും ജീ​ർ​ണ​ത​ക​ളും അ​ണി​ക​ളു​ടെ വി​ശ്വാ​സ്യ​ത ത​ക​ർ​ക്കു​ക​യും പൊ​തു​ജ​ന മ​ധ്യത്തിൽ  സം​ഘ​ട​ന അ​പ​ഹ​സി​ക്ക​പ്പെ​ടു​ക​യും ചെ​യ്യു​ന്ന ഘ​ട്ട​ത്തി​ൽ അ​വ പ​രി​ശോ​ധി​ച്ച് തി​രു​ത്ത​ൽ ന​ട​പ​ടി​ക​ൾ കൈ​ക്കൊ​ള്ളാ​ൻ ആ​ർ​ജ്ജവം കാ​ണി​ക്കു​ന്ന​തി​നു പ​ക​രം എ​ല്ലാ​വ​രെ​യും എ​ല്ലാ​യ്പ്പോഴും വി​ഡ്ഡി​ക​ളാ​ക്കാ​മെ​ന്ന ധാ​ര​ണ​യി​ൽ അ​വ​ത​രി​പ്പി​ച്ച വി​ല കു​റ​ഞ്ഞ ക​ൺ​കെ​ട്ട് വി​ദ്യ​യാ​ണ് മു​സ്​​ലിം ലീ​ഗ് നേ​തൃ​യോ​ഗത്തിന്റെ ​ തീരുമാനങ്ങളെന്ന് ഐ.​എ​ൻ.​എ​ൽ സം​സ്​​ഥാ​ന ജ​ന.​സെ​ക്ര​ട്ട​റി കാ​സിം ഇ​രി​ക്കൂ​ർ ആരോപിച്ചു.

നേ​താ​ക്ക​ളു​ടെ ഗു​രു​ത​ര​മാ​യ ത​ട്ടി​പ്പും വെ​ട്ടി​പ്പും ക​ള്ള​പ്പ​ണ നി​ക്ഷേ​പ​വും ജീ​വ​കാ​രു​ണ്യ​പ്ര​വ​ർ​ത്ത​ന​ങ്ങ​ളു​ടെ പേ​രി​ൽ ജ​ന​ങ്ങ​ളി​ൽ​നി​ന്ന് പി​രി​ച്ചെ​ടു​ക്കു​ന്ന കോ​ടി​ക​ളു​ടെ കൊ​ള്ള​യും സ​ദാ​ചാ​ര​വി​രു​ദ്ധ​ത​യു​മെ​ല്ലാം ആ ​പാ​ർ​ട്ടി​യെ ശ്വാ​സം മു​ട്ടി​ച്ചു​കൊ​ന്നു​കൊ​ണ്ടി​രി​ക്ക​യാ​​ണ്. അ​ത് ക​ണ്ടി​ല്ലെ​ന്ന് ന​ടി​ക്കു​ന്ന​തും സ്വ​ർ​ണ​ത്ത​ളി​ക കൊ​ണ്ട് മൂ​ടി​വെ​ക്കാ​ൻ ശ്ര​മി​ക്കു​ന്ന​തും നേ​തൃ​ത്വം ഒ​ന്ന​ട​ങ്കം കൈ​യോ​ടെ പി​ടി​കൂ​ട​പ്പെ​ടുമെന്ന ബോ​ധ്യം കൊ​ണ്ടാ​ണ്.

ഹ​രി​ത​യു​ടെ പെ​ൺ​കു​ട്ടി​ക​ൾ ഉ​യ​ർ​ത്തി​യ ഗൗ​ര​വ​ത​ര​മാ​യ പ്ര​ശ്ന​ങ്ങ​ൾ​ക്ക് പ​രി​ഹാ​രം നി​ർ​ദ്ദേ​ശി​ക്കു​ന്ന​തി​നു പ​ക​രം പോ​ഷ​ക സം​ഘ​ട​ന​ക​ളി​ൽ 20 ശ​ത​മാ​നം സ്​​ത്രീ​സം​വ​ര​ണം ഏ​ർ​പ്പെ​ടു​ത്തു​മെ​ന്ന് പ​റ​യു​ന്ന​ത് ശു​ദ്ധ അ​സം​ബ​ന്ധ​മാ​ണ്. കേ​ര​ളീ​യ മു​സ്​​ലിം സ്​​ത്രീ​സ​മൂ​ഹ​ത്തി​ന് മാ​റ്റ​ത്തിെ​ൻ​റ പ്ര​തീ​ക്ഷ​ക​ൾ കൈ​മാ​റി​യ ഹ​രി​ത​യി​ലെ പെ​ൺ​കു​ട്ടി​ക​ളെ സം​ഘ​ട​നാ​ദ​ണ്ഡ് കൊ​ണ്ട് അ​ടി​ച്ച​മ​ർ​ത്തി, വീ​ട​ക​ങ്ങ​ളി​ലേ​ക്ക് വ​ലി​ച്ചെ​റി​ഞ്ഞ ലീ​ഗ് നേ​തൃ​ത്വ​ത്തി​ന് സ്​​ത്രീ​ശാ​ക്തീ​ക​ര​ണ​ത്തെ കു​റി​ച്ച് ഉ​രി​യാ​ടാ​ൻ അവകാശമില്ല.

ഫാ​സി​സ്​​റ്റ് വി​രു​ദ്ധ​പോ​രാ​ട്ട​ത്തെ കു​റി​ച്ച് പ്ര​തി​പാ​ദി​ക്കു​മ്പോ​ൾ സി.​പി.​എ​മ്മി​നെ പ്ര​തി​സ്​​ഥാ​ന​ത്ത് നി​റു​ത്തു​ന്ന ലീ​ഗിെ​ൻ​റ രാ​ഷ്ട്രീ​യ വി​ഡ്ഡി​ത്തം പാ​ർ​ട്ടി​യു​ടെ രാ​ഷ്ട്രീ​യ​ദി​ശാ​ബോ​ധ​മി​ല്ലാ​യ്മ​യാ​ണ് തു​റ​ന്നു​കാ​ട്ടു​ന്ന​തെ​ന്ന് കാ​സിം ഇ​രി​ക്കൂ​ർ കുറ്റപ്പെടുത്തി.